Bestanddele
4 harders heel en skoongemaak
1 groen soetrissie grof gerasper
1 groot ui gerasper
100 g broodkrummels
100 g Cheddar gerasper
100 g Feta gebreek
1 lang murgpampoen in 2,5 mm dun repe gesny
seesout
swartpeper grofgemaal
Metode
- Meng die groenrissie, ui, broodkrummels en kaas deeglik. Voeg olyfolie by indien die mengsel te droog voorkom.
- Sout en peper na smaak.
- Stop elke vis met die mengsel.
- Bind twee repe murgpampoen vas om elke vis.
- Geur vis met sout en peper aan albei kante.
- Plaas op oondplaat en bak vir ongeveer 20 minute teen 180 ˚C.