Tuna-en-kamossel-tartare
27 Desember
4 porsies
Seekos
4
Tydens ’n uitsending van Edik van Nantes 3 is dié heerlike tuna-en-kamossel-tartare voorberei.
Bestanddele
250 g rooi tuna (vars, in 1-2 cm blokkies gesny)
200 g kamossel (vars, in dun, plat skyfies gesny)
150 g kamossel (vars, in 1-2 cm blokkies gesny)
2 e sprietuie (fyngekap)
150 ml olyfolie
75 ml balsamiese room asyn (crema di balsamico) of balsamiese reduksie
viseiers
seesout
grofgemaalde swartpeper
Metode
Meng die olyfolie en balsamiese room asyn deeglik.
Plaas al die tuna en kamossel in ’n plat houer en bedek met die olyfolie mengsel.
Maak toe en plaas in die yskas vir twee ure.
Plaas die skyfies kamossel op die bodem van ’n opdienbord.
Meng die gekapte tuna en kamossel met die sprietuie en skep bo-op die skyfies kamossel.
Sprinkel met sout en peper.
Bedien met kaviaar of ander viseiers.