Wilandi se gemmerkoekies
26 Mei
30 Koekies
Gebak
4
Probeer gerus Koekedoor se Wilandi se resep vir geurige gemmerkoekies.
Bestanddele
250 g botter
180 g bruinsuiker
2 eiergele
240 g gouestroop
650 g koekmeel
35 ml gemmer
10 ml gemengde speserye
2 ml sout
10 ml koeksoda
Metode
- Room botter en suiker. Voeg eiergele en gouestroop by en meng. Sif die meel, speserye, sout en koeksoda saam. Voeg droë bestanddele by eiermengsel en meng tot 'n deeg vorm. Knie liggies op 'n meelbestrooide oppervlak tot glad. Draai in kleefplastiek toe en laat 30 minute rus in die yskas.
- Voorverhit jou oond tot 180°C. Smeer twee of meer bakplate en voer met bakpapier uit. Rol die deeg uit tussen twee velle bakpapier, sowat 4 mm dik. Druk met koekiedrukker uit. Bak 10 minute tot goudbruin. Laat afkoel op die bakplate en versier met harde versiersel of gesmelte sjokolade.
(Hierdie resep is eksklusief tot kykNET en die bakboek Koekedoor 2. Dit mag slegs met die toestemming van kykNET en Human & Rousseau gepubliseer word, hetsy elektronies of in druk.)