Vir dag vyf het ons opsigter die families verras, deur hulle die geleentheid te gee om hul sangtalent met die res van Suid-Afrika te deel. Hier is die treffers wat vir ons uitgestaan het:
- “Perfect” – Ed Sheeran
Ons dink Austin is 'n superster in wording: Hy het ons weggeblaas toe hy wegtrek met Ed Sheeren se “Perfect”. Kan ons dit weer en weer hoor? KYK OOK: DIE MAN KAN SING – ONS DINK AUSTIN VERDIEN 'N MAAK MY FAMOUS-OUDISIE
- “Irreplaceable” – Beyonce
Caryn was die karaoke-koningin en het op die maat van Queen B se woorde “You must not know ‘bout me” ’n indruk gelaat wat nog lank gaan bly. - “Fools rush in” – Elvis Presley
Ons het amper ’n traan gepik terwyl ons na Braam se weergawe van dié goue-oue moes luister. Ons hoop om later nóg hiervan te hoor.via GIPHY
KYK OOK: ONS KAN NIE GENOEG KRY VAN DIE TWEE VERSKILLENDE WEERGAWES VAN KWARANTYN-KARAOKE NIE - “Respect” – Aretha Franklin
Auntie Pamela het ons gedwing om ons arms in die lug rond te swaai met haar weergawe van dié musiekikoon se treffer. - “I'll never love again” – Lady Gaga
Dit het gevoel of 'n superster voor ons oë gebore word toe Avril 'n onvergeetlike aflewering van die Mother Monster se tranetrekker sing.
Kwarantyn sal vanaf Woensdag 10 Junie om 21:00 elke dag en heeldag op kykNET se nuutste opwipkanaal, DStv-kanaal 149, uitgesaai word.
Maandae tot Saterdae sal daar daagliks om 17:00 ’n 24 minuut-lange hoogtepunteprogram (behalwe Woensdae is dit ’n 48 minuut-lange program om 20:00) op kykNET, DStv-kanaal 144, uitgesaai word. Bly hier op hoogte.
Gesels saam op Facebook, Instagram en Twitter met die hutsmerke, #Kwarantyn, #SpanLeRoux en #SpanScheepers.