Bestanddele
1 kg hoendervlerkies
35 g hoenderspeserye
35 g rooipeper
500 ml Dirkie-sous (Altans Durkey)
60 ml Tabasco-sous
2-4 broodrolle
75 ml Melrose-kaas
100 g kaas
30 g knoffel
30 ml botter
250 g peppadews
250 g jalapeno
Metode
Vir die hoendervlerkies:
- Begin deur hoendervlerkies in die hoenderspeserye, rooipeper, Tabasco (volgens smaak) en Dirkie-sous te bedek. Verseker dat hulle goed bedek is deur sommer die bak met deksel te skud.
- Braai hoendervlerkies tot gaar, terselfdetyd kan die vlerkies nog bedek word met die marinade om smaak te verseker. Draai vlerkies op die vuur gereeld om.
Vir die knoffelbroodjies:
- Begin deur die botter, knoffel en Melrose-kaas saam te roer en op die vuur te plaas totdat sous lekker roomerig word. Roer deeglik.
- Sny broodrol in die breedte soos ’n normale knoffelbroodjie.
- Vul die broodjie met die voorbereide sous, peppadews, jalapenos, en gerasperede kaas.
- Rol broodjie toe in foelie en plaas op vuur.
- Sodra dit warm is, kan dit van die vuur verwyder word.