Vyebrood
29 November
Gebak
3
Kry die resep vir dié vyebrood, soos voorberei in Edik van Nantes 3, hier.
Bestanddele
100 g hawermout
25 g botter in klein blokkies gesny
200 g bruismeel
200 g heelgraanmeel of ander growwe meel
100 g strooisuiker
1 t koeksoda
2 t gemengde speserye
knippie sout
50 g groenvye gekap
50 g gedroogde vye gekap
50g gedoogde of vars dadels ontpit en gekap
3 e gemenge sitrusskil gekap
450 ml karringmelk
4 e bruinsuiker
Metode
- Plaas botter en hawermout in ’n mengbak en vryf saam met vingers.
- Meng meel, koeksoda, speserye, sout, vye, dadels en skil by.
- Roer karringmelk by.
- Keer mengbak om op ’n oppervlak en bestrooi met meel.
- Vorm ’n bal.
- Plaas op ’n oondplaat en bestrooi met meel.
- Strooi bruinsuiker oor.
- Gebruik ’n mes en maak ’n kruis bo-op ongebakte brood.
- Bak in oond teen 180 ˚C vir 30 tot 35 minute.
- Bedien met botter en vars vye.