Die GROOT Ontbyt

Vir die JOYA® appel-happies met grondboontjiebotter:

1. Verwyder die kern van elke appel met ’n appelboor. Sny die heel appels elk in 5 na 6 skyfies om sirkels te vorm.
2. Smeer elke appelskyf met grondboontjiebotter. Strooi muesli, neute en sade na smaak oor en geniet as ’n peuselhappie.
3. Pak die elemente in aparte bakkies om dit deel te maak van ‘n kosblik. Onthou om ‘n teelepel of messie vir die smeerwerk in te pak. Die appel kan vooraf opgesny word – onthou net om die skywe in ‘n bietjie water af te spoel om te verhoed dat dit verkleur en doen die snywerk met ’n skerp groentemessie. Die appelhappies kan dan gebou word net voor dit geëet gaan word.

Wenk
1. Laat jou kinders hulle eie appe-lhappies met neute en sade van hulle keuse voorberei.
2. Maaskaas sal ook lekker wees in plaas van die grondboontjiebotter. Ander neutbotters, soos amandelbotter werk uitstekend.

Vir die Slaai met rooi nierbone:

‘n Slaaisous kan ‘n paar basiese slaaibestanddele in ‘n feesmaal omskep – en veral ‘n tuisgemaakte slaaisous. Hierdie slaaisous met speserye is perfek met bone.

Meng 15 ml (1 e) suurlemoensap, 30 ml (2 e) olyf- of avokado-olie, 2,5 ml (½ t) gemaalde komyn, 5 ml (1 t) heuning (opsioneel) en ’n knippie gerookte paprika. Geur met swartpeper. Berei ’n slaai met 1 x 410 g-blik rooi nierbone, gedreineer; komkommer, in blokkies gesny; klein tamaties, gehalveer en ’n handvol vars koljanderblare.