27 vashti prins suidooster

Tien dinge wat jy van Vashti Prins moet weet

Daar is vanaf 6 Februarie 2017 ’n nuwe gesig in Suidooster en die aktrise wat dié nuwe rol vertolk is Vashti Prins.

06 Februarie 12:00

Daar is vanaf 6 Februarie 2017 ’n nuwe gesig in Suidooster en die aktrise wat dié nuwe rol vertolk is Vashti Prins.

Hier is tien dinge wat jy van haar moet weet:

1.


Vashti Prins (22) is van Kuilsrivier in Kaapstad en het aan die Hoërskool Stellenberg gemaktrikuleer.

2.


Haar karakter in Suidooster se naam is Danielle Hendricks. Sy gaan vir Ian October en Lee-Ann Jacobs as ontvangsdame by Suidooster gaan werk.

3.


Vashti beskryf haar karakter, Danielle, as jonk en ambisieus. Sy is iemand wat raakgesien wil word, maar is ook ’n bietjie naïef oor die lewe. Sy is ook toeganklik en maklik om mee oor die weg te kom. Haar werksverpligtinge is vir haar belangrik en sy wil graag haar baas en kollegas beïndruk.

4.


Hoewel sy nie veel oor haar rol kan verklap nie, gaan sy wel die oog van Tim du Plooy (Marco Spaumer) vang en gaan Nicole October (Gerwen Simon) haar as ’n bedreiging sien.

5.


Vashti se rol in Suidooster is nie net haar eerste rol in ’n sepie nie, maar ook die eerste keer wat sy op TV ’n aktrise gaan wees.

34 vashti prins

6.


Sy was tot verlede jaar nog ’n voltydse universiteitstudent en gaan vanjaar haar honneursgraad in drama van die Universiteit van Stellenbosch ontvang.

7.


Sy het onder andere al by Abduraghmaan Adams, wat Ian October in Suidooster vertolk, klas gehad.

8.


Vashti het goeie verhoogondervinding en is vanjaar benoem vir ’n kykNET Fiësta vir Beste Opkomende Kunstenaar vir haar vertolking in Die Gangsters.

9.


Haar kêrel is Dean Smith, ook ’n talentvolle akteur wat onder meer in 2016 die Fiësta-toekenning vir beste ondersteunende akteur gekry het.

10.


Sy is ook ’n talentvolle sangeres en was ’n lid van die bekende Tygerberg-kinderkoor.

Suidooster word van Maandae tot Donderdae om 18:00 op kykNET en kykNET & kie uitgesaai.

Nog Nuus

28 osb johan suret news

Ons Sprokiesbruilof: Johan en Suret

29 Maart 16:50

28 osb ella christo 00 news

Ons Sprokiesbruilof: Eerste liefdes

24 Maart 01:31

28 osb ontmoet ella christo news

Ons Sprokiesbruilof: Christo en Ella

23 Maart 13:40

28 sink special screening news

Saftas 2017: kykNET wen groot!

20 Maart 16:32