Logo

Hier is die wenners – Die 9de kykNET Fiëstas

Nuus
14 Februarie 2019
Kry hier die volledige lys met wenners van vanjaar se kykNET Fiëstas-toekennings.
Article Billboard 1600 x 640

Die 9de kykNET Fiëstas is op 14 Februarie 2019 by die Kunstekaap-teater in Kaapstad gehou en is regstreeks op kykNET, DStv-kanaal 144, uitgesaai. Dit was ’n aand ter viering van kreatiwiteit en besonderse prestasies in die uitvoerende kunste.

Bennie Fourie het die program as seremoniemeester gelei en is deur Schalk Bezuidenhout, Gideon Lombard, Kay Karriem, Jarrid Geduld en Jill Levenberg as sy mede-aanbieders bygestaan.

Die gaste en kykers was ook met optredes deur Jo Black, Craig Lucas, Paxton, die Cape Dance Company, CPYO onder leiding van Chad Hendricks en UWC Choir bederf.

Karen Meiring, M-Net Direkteur: kykNET-kanale meen dat die feeste ’n ongelooflike belangrike rol speel in die volhoubaarheid van die kunste en vermaaklikheidsbedryf. “Daarom is die kykNET Fiësta-toekennings so ’n gepaste wyse vir ons om dit te erken en vier. Baie geluk aan al die wenners.”

BESTE AKTEUR:
Wilhelm van der Walt – Klippe wat Val

BESTE AKTRISE:
Joanie Combrink – Toutjies & Ferreira

BESTE MANLIKE BYSPELER:
Dean John Smith – Klippe wat Val

BESTE VROULIKE BYSPELER:
Lee-Ann van Rooi – Kinnes

BESTE REGIE:
Nicole Holm en Wolf Britz – Toutjies & Ferreira

BESTE TEATERONTWERP:
Ilana Cilliers en Wolf Britz – GodgOdgoD

BESTE SPEL IN ’N SOLO-VERTONING:
Antoinette Kellermann – Hierdie Lewe

BESTE NUUTGESKEPTE AFRIKAANSE TEKS:
Saartjie Botha – Toutjies & Ferreira

BESTE OPKOMENDE KUNSTENAAR:
Anoecha Krüger – Raak

BESTE PRESTASIE IN KLASSIEKE MUSIEK:
Zanta Hofmeyr en Miro Chakaryan – Viool Dialoog

BESTE PRESTASIE IN VISUELE KUNS:
Diane Victor – Skadu’s en Lig/Shadows and Light

BESTE MUSIEKGEDREWE PRODUKSIE – BUITELUG:
kykNET Konsert Saterdagaand

BESTE MUSIEKGEDREWE PRODUKSIE – PODIUM:
Amanda Strydom – Stadig oor die Klippers

BESTE MUSIEKGEDREWE PRODUKSIE – TEATER:
David Kramer se Platteland

BESTE AANBIEDING:
Toutjies & Ferreira

BESTE DUO OF ENSEMBLE:
Babbelagtig

BESTE VERTALING OF VERWERKING VAN Ń BESTAANDE WERK:
Saartjie Botha – Hierdie Lewe

FEES VAN DIE JAAR:
Innibos

BLOU FIËSTA:
The Johaar Mosaval Journey: District 6 to the Royal Ballet

LEWENSBYDRAE TOT TEATER:
Dr. Eduard Greyling
Dr. John Kani
Sandra Prinsloo

Volg ons op sosiale media deur die hutsmerk #kykNETFiëstas of #Fiëstas2019 te gebruik.