Nico Nel

Nico Nel het in die Kaap, om ‘n kombuistafel, groot geword - die kuierplek. Sy pa Willem het met sy stories oor Loeriesfontein en die Boesmanland se mense die kuiergaste laat skater. Sy ma Hetta, ‘n Groot-Toring se Louw uit die Hatamkontrei Calvinia, kon nie anders as om gasvry te wees nie. Die smake en geure van Sondae se skaapboud en hoederpastei met soet wortels, sousboontjies en gebakte aartappels het menige ongenooide gas laat opdaag. Die tafel het gekreun en geskater.

Om hierdie tafel shet Nico en sy Ma boerewors gemaak met bees, vark, spek en ‘n mengsel van speserye. ‘n Proesel van die vleismengsel was gaar gemaak om te verseker dat die smake reg was, dan was die wors gestop, want die kopers het gewag.


Nico het in 1988 bekendheid verwerf met sy gereelde kuiers saam met Jan Spies en PG du Plessis op die gewilde geselsprogram Spies en Plessie. Jare later sou hy die mede-aanbieder raak van meer as 100 programme van Maak ‘n Las saam met Tolla van der Merwe. Met Tolla se dood in 2000 het Nico ook sy uitrede aangekondig. Die program het ‘n kosinsetse gehad wat deur Andries Krogman aangebied was die verskeidenheid van die Kaap se kos en sy kosmense het egter vir Nico by gebly. Alhoewel Nico nooit formele opleiding in kookkuns anders as in sy ma se kombuis gehad het nie het sy passie daarvoor gemaak dat hy kookboeke soos storieboeke begin lees het. “Die spannenste dele bly maar die vleisgeregte”. Dit bly sy grootste plesier om met lekker mense om die kombuistafel te kuier met stories en die verskeidenheid van kos van die Kaap.

Nico en sy vrou Phoebe het hul drie dogters en ‘n seun in Durbanville groot gemaak en almal is soort van uit die huis. ‘n Kind is nooit heel uit die huis uit nie. In 2007 is Nico en Jason Lucas Spanje toe om te gaan kyk hoe die Spaanse hamme “Jamon” gemaak word, Jason het ‘n swartgordel in Karate en daar was toe van die Spanjaarde wat bereid was om met hulle hul ou familiegeheime te deel. Die hamme word nou in Prince Albert op die tradisionele manier gemaak ‘n Vark het egter nie net boude nie en Nico besluit dat dit tyd is om weer ‘n Egte Tradisionel Boerewors te maak wat vir die publiek beskikbaar is. Met die kinders uit die huis besluit hulle om platteland toe te trek. Die Ceresvallei met sy koue winters was ideaal. Dit is net een uur van die Kaap maar die lug is vars en fris. Hulle woon nou op ‘n klein plasie in ‘n ou Victoriaansehuis tussen Ceres en Prince Alfred’s Hamlet. Op Hamlet het Nico weer sy wors begin maak op die manier wat hy en sy ma dit jare gelede gedoen, in ‘n ou slaghuisie op ‘klein dorpie'.