Zim Zim

Zim Zim is 'n gewone sesjarige seuntjie wat die gewone dinge doen wat alle kinders doen, maar daar is een groot verskil tussen hom en die ander kinders van die wêreld: hy krimp elke keer as hy 'n fout maak.
As hy so klein is, word hy geneem na Dummaland, 'n geheime plek waar hy 'n superheld kan wees. Hierso sorg hy dat alles aan die orde van die dag is en keer dan terug na die regte wêreld, nadat hy 'n les geleer het om nie weer dieselfde fout te maak nie. Hy keer dan ook sommer weer terug na sy normale grootte.

Doh Ray Mi

Doh Ray Mi gaan oor drie musikante wat deel is van 'n musiekgroep.

Doh is 'n haas wat die klavier bespeel. Sy is baie slim en verantwoordelik - sy speel dikwels die 'moeder' vir die ander twee. Sy help graag uit by die Milkshake Bar.

Ray, 'n meerkat, is 'n kitaarspeler wat donkerbrille en 'n leerbaadjie dra. Hy is stout, energiek en impulsief, wat dikwels daartoe lei dat hy in die moeilikheid beland. Hy moet partykeer skottelgoed was by die Milkshake Bar - om te betaal vir sy melkskommel!

Mi is 'n apie wat die dromme speel. Hy is baie nuuskierig en vra baie vrae. Hy is nie baie slim nie, so die ander moet gereeld dinge vir hom baie stadig verduidelik.

Die ander karakters in die storie sluit in Mama Z die vlakvark, wat ook die eienaar is van die Baobab. Sy is die verteller en stel dikwels die tema vir die dag bekend. Sy was voorheen 'n sangeres en kan soms 'n regte diva wees. Sy's ook die bestuurder van die Doh, Ray, Mi musiekgroep. Dikwels moet sy die vrae van die ander beantwoord of help om probleme op te los.

Bones die hiëna is meeste van die tyd besig om aan een of ander plan te dink om die musiekgroeplede te vang - heel waarskynlik om hulle te eet! Sy een swakheid is musiek, so dikwels word sy planne in die wiele gery as sy aandag afgelei word deur 'n liedjie.

Pikin

In Pikin word die interessante diere, plante, voorwerpe en geluide van Afrika om te vermaak en om eenvoudige konsepte te verduidelik aan die jong span.

Daar is iets van alles in Pikin: sang, dans, animasie, interaktiewe speletjies en video's wat die wêreld wys waarin kinders lewe.

Pikin wil die jong klomp aanmoedig om groot te droom en hul verbeelding te gebruik.

Froggies

Tannie Hop vertel stories dat die biesies bewe en die bekkige klein paddatjies kan maar net nie genoeg kry van haar heerlike staaltjies uit die Afrika-diereryk nie.

Rat Tat Tat

Rats, die slimkop-bontebok, en Streep, sy muishondmaat, is op pad na die Rooikruis-uile. Langs die pad ontmoet hulle allerlei interessante karakters. Saam met Rats en sy maats sal kinders ure se pret hê!

Matilda

Matilda is die baas van Die Muisgenoot en sy is altyd naarstiglik op soek na 'n groot storie om die hele muisdom te vermaak of in te lig. Drama, trane en nuusstories is haar kos. Skarrel is haar dierbare assistent.

Thembi en Themba

Thembi, die feetjie, en haar kabouter-boetie, Themba, geniet die avonture in hul tuin! Saam met Melinda Mol, Renier Rietrot, Bubo die uil en die geheimsinnige Sissel Slang het hulle hope pret.

Hopla

Hip, Hop, Flip en Flop is vier hasies wat speel-speel saam met die maatjies by die huis die Hopla-wêreld ontdek. Hulle kies 'n vorm, 'n kleur en 'n nommer, en saam met die maatjies by die huis leer hul oulike lessies.

Lappies

Ken jy dié leeu se naam? Dis Lappies: Hy is die bosveldprins en troonopvolger, want Pappa Leeu is koning. Daarom leer, speel en beleef Lappies elke dag soveel moontlik avonture saam met sy maats.

Tjiff en Tjaff

Tjiff is Tjaff se tweelingboetie wat groen met pienk wangetjies is. Hy daarvan om saam met Tjaff op avonture te gaan. Hy is baie nuuskierig! Elke dag leer hulle saam iets nuut.

Tjaff is Tjiff se tweelingboetie. Hy het pienk wangetjies en is groen. Saam met sy boetie gaan hulle op groot avonture en het nie ’n bang haar op sy kop nie. Elke dag leer hulle saam iets nuut!