Wicus van der Merwe

Wicus van der Merwe is 'n Afrikaanse sanger, liedjieskrywer, komediant en TV-aanbieder wat die eerste van sy 4 CD's in 2004 opgeneem het en sy laaste in 2010. Hy het ook al twee live DVD's opgeneem. Twee van sy CD's het goue status bereik en altwee DVD's het goue status bereik binne drie maande van uitreiking.

Hy was al 'n gas op verskeie TV-programme en is al genomineer vir twee SAMA toekennings. Hy is ook al twee keer genomineer vir 'n Huisgenoot Tempo toekenning waarvan hy een gewen het vir Beste Komedie Album.

Hy is ook die aanbieder van sy eie TV program, Opskop, op kykNET waarvan die tweede reeks eersdaags opgeneem sal word.

In 2010/11 het hy ook twee advertensies vir Romans Pizza gedoen.

Wicus tree ook op as seremoniemeester by korporatiewe geleenthede.

Tussendeur al die bogenoemde reis hy deur die land met sy normale vertonings. Hy het al in Namibië, Australië en Nieu-Seeland opgetree.

Emo Adams

Gebore en getoë in die hart van die Kaapse Vlaktes, Mitchells Plein, is Emo Adams een van ons land se mees bewame jong talente!

As deel van ‘n musikale gesin is sy dae met harmonie en gesang gevul, en is Emo op die ouderdom van nege gekies om die rol van ‘n straatkind in District 6: The Musical te vertolk… En, soos die gesegde gaan, is die res geskiednis. Die verhoogstuk is geskryf en vervaardig deur David Kramer en die oorledene Taliep Petersen, en dit is hier waar Emo se liefde vir teater gekry het en waar sy loopbaan in die kunste begin het.

In 1996 het Emo en sy broer, Luqmaan, saam met drie vriende die ensemble JAG gevorm. Uiters gewild in en om die Kaap asook PE en Johannesburg vir hulle nootvas harmonie en energieke vertonings, het JAG vir hulself groot naam gemaak.

Emo het London, Wene, Frankfurt en Las Vegas toe gereis as deel van Kat and the Kings. Emo het die rol vertolk van Kat Diamond en die stuk is ook geskryf deur Kramer en Petersen.

In 2001, is Emo weer gekies vir District 6: The Musical, maar dié keer as Sophia, ‘n glansryke dame. Hy is die enigste persoon wat al elke rol in District 6 vertolk het…

Vandag is Emo ‘n bekende gesig op kykNET en verskyn ook dikwels op die verhoog by feeste asook teaters.

En die ou sing en dans nie net nie, hy is ook televisie aanbieder, vervaardig sy eie albums, skryf vir Taalgenoot, ‘n ATKV tydskif, én hy is super snaaks…

‘n Paar interessanthede oor Emo:
o Emo drink 15 tot 20 koppies tee ‘n dag.
o Hy hou nie van groete nie behalwe soetwortels.
o Hy was vir 10 jaar deel van Kat and the Kings.
o Sy stem kan afgelaai word as jou kar se rigtingaanwyser.