Ons kyk na die Groot Vyf en braai naby Touwsrivier in die Groot Karoo, voor ons ‘n vissie braai om die erfenis van die Suid-punt van Afrika te vier. Ons sluit die reeks op ‘n gepaste wyse af met ‘n braai vir erfenis op Robbeneiland.

Die 24ste September is braaidag en om almal opgewonde te maak vir dié feestelikste dag op Suid Afrika se kalender kyk ons in diepte na presies wat die mikpunte en doel van hiedie ongelooflike dag is en vind ook uit wat ‘n paar bekendes vanjaar vir braaidag beoog.

Die grootste braaiplek in Oos London word besoek voor ons in Grahamstad saam met die toekomstige joernaliste van Suid-Afrika braai. Hierna vier ons die hoogtepunt van Suid Afrika se branderplank erfenis met ‘n kuiertjie in Jeffereysbaai. Die episode sluit af in die Baviaanskloof waar die pragtigge natuurskoon van die area gevier word met ‘n braai voor ons ons koppe neerlê in ‘n grot.

Jan Braai by die Shark tank en vind meer uit oor die Sharks se braai voorkeure. Ons pak die Sanipas aan en braai in Lesotho by die hoogste kroeg in Afrika.  Die Drakensberge se wêrelderfenis gebied word gevier met ‘n braai na ons met ‘n staptoer die San Rotskuns van die area van nader beskou. Ons sluit hierdie week af met ‘n kuiertjie by Qunu waar Nelson Mandela gebore is om dié Suid Afrikaanse held se erfenis te vier.

Ons braai in die wêreld erfenisgebied van die iSisimangaliso vleiland park.  Shaka Zulu se erfenis word gevier en ons ry ‘n paar branders in Durban voor Jan die stad se spesery mark besoek en ‘n Bunny Chow eet.

Hierdie week doen ons bietjie ekstra moeite vir die vroulike kykers. Ons soek mooi dinge oppad na die Oos Vrystaat… Die Golden Gate se erfenis word gevier en ons leer meer oor die slag van Spioeonkop om die manne ook gelukkig te hou. Jan Braai ook saam met King Goodwill Zwelitini se broer in Nongoma om meer oor die Zulu erfenis te leer.

Ons braai in die wildtuin om die oudste ruskamp, Pretoriuskop, se erfenis te vier. Die oorsprong van die braai word ondersoek by die Wieg van die Mensdom en daar word gebraai in ou Ellis Park (nou Coca Cola Park) op die kolletjie waar Joel Stransky se skepdoel ons die 1995 wêreldbeker laat verower het.

Ons braai in die Soutpansberge om Suid Afrika se Venda erfenis te vier, Mapungubwe se wêreld erfenis gebied word verken en met ‘n braai gevier, voor ons die Blyderivierspoort besoek en afsluit met ‘n groot goud erfenis braai in Pelgrimsrus.

Ons vier die toekomstige Springbokke se erfenis by Grey College in Bloemfontein. Ons verken die wêreld erfenis gebied van die Vredefort Koepel, ons vier Suid Afrkia se akademiese erfenis op Potchefstroom, daar word gebraai in Soweto en ons vier die Blou Bulle se erfenis by Loftus Versveld in Pretoria.

Jan Braai skop die week se episode af met ‘n rondte Springbok Sewes in Springbok. Ons vier ook die skoonheid en erfenis van die Augrabiese waterval. Daar word op die Oranje rivier geroei, ons braai op Sakkie se Arkie in Upington en Kimberley se diamant erfenis word gevier met ‘n braai op die randjie van die groot gat.