Hannon Bothma

Hannon Bothma, mede-eienaar van die wel bekende HANNON handelsmerk, hy is Suid Afrika se voorste Haar-, Grimeer- en Voorkomskonsultant wat gereeld op televisie asook radio verskyn.

Reeds as ‘n jong seun van die Noord-Kaap is Hannon deur skoonheid geboei.
“Ek het nuwe haarstyle vir my suster en vriende geskep en besef dit is wat ek eendag wil doen.” Nadat hy hom as haarkapper bekwaam het, is sy eie skoonheid raakgesien en het hy self ook modelwerk gedoen waarby die modelwerk ingestroom. Maar sy eerste liefde was steeds om vroue te help om hul volle skoonheidspotensiaal te verwesenlik. Daarom het hy verdere studies op die gebied van haarsorg en skoonheidstegnologie aangepak.

Hy het sy eie salon in Kaapstad ge-open en moes talle modelle se hare en grimering vir tydskrifte versorg.
“Maar daar was vir my geen uitdaging om mooi mense nòg mooier te maak nie. Ek wou uitreik na alledaagse vroue wat die potensiaal het om ook pragtig te lyk, maar wat nie oor die vaardighede beskik om hul swakpunte te verbloem en hul beste eienskappe na vore te bring nie.”

“Om mooi te lyk beteken nie altyd jy moet die jongste modes slaafs navolg nie. Dit beteken eerder jy moet weet watter haarstyl, haarkleur, grimering en grimeertegnieke die beste by jou gesig en leefstyl pas,” sê hy.

Met al hierdie kennis oor skoonheid en haarsorg het Hannon die potensiaal raakgesien om sy eie professionele haar, grimering en parfuum reeks te ontwikkel spesifiek vir enige Suid-Afrikaner vrou.
Vandag word Hannon se Haar, Grimering asook Parfuum in meer as 750 salonne gevind en dit hou net aan groei.

“Ek wil hê elke vrou moet sien hoe mooi sy werklik is..” se hy.