Bok en die groep vat die pad Mosambiek toe vir die laaste been van hulle 9000 kilometer reis. Hulle vang tunas van Bok se boot af en die finale vertoning vind plaas op die strand by Pandaine.

Ons gaan hengel by die Kei riviermond vir bodem vis en vertrek daarna na Durban waar die volgende vertoning by Ushaka Marine World geskeduleer is. Die restaurant by Ushaka wys vir Bok om ‘n Spanish Gallion te maak en ons gesels oor die werking van die akwarium.

Die volgende vertoning is in George op ‘n wynplaas en Pietman gesels oor die wynmaak proses. Bok en Hennie hengel die volgende dag vir pylsterte in Mosselbaai en ‘n wolkbreuk beskadig die klanktoerusting by die Hartenbos vertoning.

Bok vang vis in Stilbaai en later geniet hulle seekossosaties en viskop sop vir middagete. Bok gesels met Stilbaai se natuurbewaringsbeampte oor die sukses van hulle reservaat en ons kyk na fotos van reuse visse wat in die verlede daar gevang is.

Bok en Hennie is in Struisbaai en hengel vanaf die hawemuur vir haaie. Hulle voer die reuse pylsterte in die hawe en Hennie braai vis vir die band.

Hermanus is die volgende stop op die toerprogram. Pietman ontmoet vir oom Ollie by die hawe vir middagete, vars geelstert is op die spyskaart. Vroeg die volgende oggend vertrek Bok en Hennie Struisbaai toe waar hulle die dag op die Augullas Banke deurbring en vir Rooi Steenbras hengel. Dan is dit Hennie se beurt voor die kospotte en hy bederf die ouens met ‘n unieke visgereg.

Die span vertrek na Houtbaai vir Bok se volgende vertoning maar oppad stop Bok en Hennie eers by Velddrift om vir pylsterte te hengel. Na die aand se vertoning vind ons meer uit oor Houtbaai se geskiedenis en Bok leer hoe om ‘n egte Maleise Kerrie te maak op Kaapstad se eie Super Jag, die Nautilus.

Na die Lambertsbaai vertoning verken Bok en die band ons land se kleinste woestyn op vierwiel aangedrewe motorfietse voor hulle aanskuif na Langebaan. Bok hengel op die Langebaan strandmeer saam met Jurie en Gerhard, en maak Gemsbok filette gaar vir die omgewing se Jagtersvereniging. Die aand se vertoning vind plaas by Club Micanos.

Bok en Hennie hengel naby die Oranjerivier-mond by Alexanderbaai. Die volgende dag vertrek die span na Lambertsbaai waar hulle leer om Kreef te trek soos die Weskus mense dit doen, en later die middag word die dag se vangste by Oppi Duin gaar gemaak voordat Bok moet spring vir sy volgende vertoning.

Bok en Hennie hengel onder die Van der Kloof dam se wal, en het ‘n noue ontkoming in die Oranjerivier. Die volgende dag durf hulle die lang pad aan na Alexander baai via Springbok.  Dis ‘n resies teen tyd: gaan Bok betyds wees vir sy volgende vertoning?