Hulle is ’n disfunksionele gesin wat net probeer oorleef in die huidige Suid-Afrika. Só het ons vir Molly en Wors en hul kinders, Vaatjie en Blapsie, leer ken in die fliek Poena is Koning.

Maak gereed om jouself elke Maandag om 20:00 slap te lag vir die manewales van Worsie en sy gesin!

Maandae @ 20:00; Dinsdae @ 14:30; Woensdae @ 22:00; Vrydae @ 22:30; Sondae @ 20:30.

Nuus

Andrew Thompson se dood is 'n 'groot verlies'

Die akteur Andrew Thompson, bekend vir sy rol in reekse soos Molly en Wors en Hartland, het Saterdag 10 Maart selfmoord gepleeg.

Lees Meer

Molly en Wors episodes

Maandag 14 November hou ons 'n Molly en Wors fees! Ons saai beide episode 58 (gisteraand se oorspronklike episode) en episode 59 direk na mekaar uit.

Lees Meer

Vaatjie gaan sy lewenswyse verander

Gerhard Odendaal, wat die rol van Vaatjie in Molly en Wors vertolk, het in September 'n pasaan­geër gekry. Hy meen dis omdat hy so oorgewig is.

Lees Meer

Wors sien sy gat...

As jy lekker wil lag, moet jy beslis hierdie video kyk - dis skreeusnaaks! Wors probeer 'n toertjie uit te voer, boonop in sy geboortepakkie...

Lees Meer

Dít maak Carien gelukkig

Kykers ken Blapsie as Vaatjie se snipsuster, maar min mense ken die aktrise agter die karakter, Carien Botha. Sy gesels oor haar persoonlikheid, wat haar gelukkig maak en waarop sy geld uitgee.

Lees Meer

Willie gee lewe aan komedie

Willie Estherhuizen, wat die rol van Worsie vertolk, is die skrywer van kykNET se gewilde komedie. Hy vertel waar die idee vir Molly en Wors vandaan gekom het en waar hy sy inspirasie vandaan kry.

Lees Meer

Wors die Renoster

Kyk net hoe oulik! Ockie en Colleen Pretorius het twee renosters op hul plaas, Zulu Rock naby Vryheid, Molly en Wors gedoop! Lees hul storie hier...

Lees Meer

Koop Molly en Wors DVD

Jy kan nou DVD's van Molly en Wors episodes op Kalahari.net koop! Volg net die link en jy sal direk soontoe geneem word.

Lees Meer

Meer Nuus

Willie Esterhuizen (Wors)

''Ken jou kyker' is die wagwoord van televisie,' sê Willie Esterhuizen en met meer as 20 jaar se ondervinding in die bedryf weet hy waarvan hy praat. Hy is nie verniet die man agter gewilde reekse soos Orkney Snork Nie, Vetkoekpaleis, Gauteng-aleng-aleng, Begeertes, Hart van Staal en Hester & Ester Bester nie.

Willie sê hy steur hom nie veel aan wat die media oor sy reekse te sê het nie. 'Ek wil net hê die mense moet hulswelf geniet en van hul probleme vergeet.'

Ander rolprente uit Willie se pen sluit Lipstiek Dipstiek en Orkney Snork Nie Die Movie in. Toekennings het egter nie agterweë gebly nie en hy het die volgende al tydens sy loopbaan ontvang:

* Goue Loerietoekenning vir TV-advertenmsie (2002)
* Avanti-toekenning vir Beste Akteur (1999)
* Avanti-toekenning vir Beste Komedie-produksie (1999)
* Avanti-toekenning: Beste teksskrywer (1999)
* Star Tonight-toekenning: Beste tekkskrywer (1994).

Lizz Meiring (Molly)

Lizz Meiring staan bekend as een van Suid-Afrika se mees veelsydige vermaaklikheidskunstenaars. Sy is ‘n gevierde aktrise, en is ook bekend as televisie-aanbieder, teater-regisseur, dramaturg, roman-skrywer, teksskrywer, lektor, teater-vervaardiger, joernalis, gewilde seremonie-meester, gasspreker, stemkunstenaar en draaiboekskrywer.

Sedert sy 24 jaar gelede as aktrise in die kunste- en vermaaklikheidsbedryf begin het, was sy nog nooit sonder werk nie en as veelsydige bedryfspersoon, is sy dikwels met verskeie projekte tegelyk besig.

"Ek is doodeenvoudig op my gelukkigste wanneer ek aan ses goed tegelyk werk... en wanneer dit soms gebeur dat ek net een ding het om te doen, raak ek geweldig verveeld!"

Haar professionele loopbaan het as drama-student begin. Lizz het opgetree vir Truk Ballet, Truk Drama, en verskeie televisie produksies vir die destydse SAUK. Sedertdien, het sy in televisie produksies vir alle plaaslike kanale, sowel as vir die BBC, verskyn.

Sedert sy haar BA Drama (Honneurs) graad in 1983 aan die Universiteit van Pretoria voltooi het, het Lizz al as hoof- en byspeler in meer as 306 verhoogproduksies, 257 televisie produksies en 13 rolprente opgetree. Dit het gewissel van klassieke werke tot kontemporêre dramas, klug, komedie, kabaret, musiekblyspele, sitcoms, tot pantomime. Sy was regisseur en/of skrywer van 74 verhoogproduksies en ook betrokke by die vervaardiging van hoofstroom teater.

Lizz het al 5 dramas vertaal: vanuit Frans na Afrikaans, en vanuit Engels na Afrikaans. Sy het ook gewerk as skrywer en mede-skrywer van televisie-tekste en roplrent draaiboeke. Sy is tans besig met die skryf van haar sewende solostuk.

Bekend vir haar steun en kennis van die visuele kunste, dien Lizz dikwels as gasspreker by die opening van kunsuitstallings. Kunstenaars vir wie sy al uitstallings geopen het, sluit groot name soos Chris Diederichs, Sanna Swart, Berko Wilsenach, Isolde Kramst, Eugenie Marais en Musha Neluheni, in. Sy skryf gereeld artikels vir verskeie publikasies oor alle aspekte van die Kunste.

Lizz was ook bevoorreg genoeg om by verskeie geleenthede in die buiteland op te tree - in Nederland, Engeland (Londen), Denemarke, en die Edinburgh Kunstefees. Baie van hierdie optredes was saam met die internasionaal bekende satirikus, Pieter-Dirk Uys.

Sy het reeds 10 toekennings ontvang vir haar spel en kulturele bydraes. Onder meer die gesamentlike Vita Toekenning, en ook die DALRO Resensente Toekenning vir Beste Aktrise in ‘n Hoofrol, en Beste Byspeler. Sy het ook die gesogte Ster-Kinekor / Nu-Metro Filmprys, The Golden Entertainer in 2001 gewen. In 2004 was LIzz die ontvanger van die Mr Video / Ster-Kinekor / Nu-Metro Spotlight Toekenning vir Beste TV en Film Aktrise van die Afgelope Dekade, en die Randburgse Kultuurtoekenning, terwyl sy in 2005 vereer is met die Naledi Toekenning vir Beste Byspeler.

Daarbenewens was daar ook 15 nominasies. Dit sluit in Vita, Dalro en Naledi Toekennings vir Beste Produksie, Beste Nuwe Teks, Beste Regisseur, Beste Optrede in ‘n Komedie, Beste Aktrise en Beste Byspeler. Daar was ook twee nominasies vir Artes Toekennings, en 'n nominasie vir die Edinburgh Crystal Toekenning vir Beste Aktrise in ‘n Hoofrol. In 2006 was sy benoem vir die SAFTA TV - Golden Horn prys, vir Beste Byspeler in ‘n tv-reeks.

Lizz is volledig tweetalig, en het ook al in Frans, Sotho, Duits en Nederlands gespeel.

Haar eerste roman, Breek, is geskryf saam met Barrie Hough en is in 2002 deur Tafelberg Uitgewers gepubliseer. Die boek is voorgeskryf vir Hoërskole landswyd en is alreeds vyftien keer herdruk. Die roman is ook in 2003 genomineer vir die M.E.R. prys vir jeuglektuur. Sy werk tans aan haar tweede, (en eerste solo) roman, asook die draaiboek vir Breek.

In 2007 verskyn daar ook ses nuwe publikasies uit Lizz se pen. Hierdie ses afsonderlik gepubliseerde drama-tekste, met produksie informasie, verskyn almal onder die hooftitel, Lizz se speel goed. Haar eerste DVD - ‘n lewendige opname van haar solostuk, Elke ander duim ‘n dame, is in Januarie 2007 verfilm en is nou beskikbaar.

Gerhard Odendaal (Vaatjie)

Kykers het Gerhard leer ken as Worsie se seun, Vaatjie, wat studeer om 'n sjef te word. Hy was ook te sien as Vaatjie in 'Vaatjie sien sy gat'.

Carien Botha (Blapsie)

Carien is gebore in Pretoria en het ook daar skool gegaan. Haar liefde vir toneelspeel en die opvoerende kunste het na vore gekom toe sy gesing en toneelgespeel het in die laerskool, toe sy haar eerste solo opvoering op die ouderdom van 11 gehad het. Gedurende haar hoërskooljare in Hoërskool Oos-Moot het sy ook opgetree in verskeie produksies, onder andere The Sound of Music by die Staatsteater. Tydens haar matriekjaar in 2005 het sy die rol vertolk van een van die skoolmeisies in die gewilde Polka.com-advertensie, wat ‘n Pen Doring-toekenning gewen het.

Sy het haar eerste werk as stemkunstenaar in 2007 gedoen vir Baby Boom, waar sy ‘n stem van ‘n klein dogtertjie moes doen. Carien was ook al te sien in verskeie TV-programme, insluitende in die kykNET-reeks, Begeertes. Haar eerste fliekrol was as Blapsie in die Afrikaanse komedie, Poena is Koning. Daarna het ‘n rol in Vaatjie sien sy gat gevolg, ook as Blapsie.

Andrew Thompson (Theunis van Rooyen)

Tydens Andrew se hoërskoolloopbaan aan die Hoërskool Linden (waar hy in 2004 gematrikuleer het), het hy reeds verskeie verhoogproduksies aangepak – Bobaas van die Boendoes, Hello, My Naam is Nina, en Die Gebreekte Kruik – en in 2003 het hy sy TV-debuut gemaak in Generations. Later het Willie Esterhuizen hom die geleentheid gebied om JP Venter in die kykNET tele-nouvelle Hart van Staal te speel. In 2006 skryf Andrew in by die Tshwane Universiteit van Tegnologie, en neem aan talle produksies plaas waar onder Some Explicit Polaroids, Pols en Waterman. In 2007 slaan hy die rol van Fanie Vorster in die tienerkomedie-rolprent Bakgat los, en durf ook Poena is Koning aan. Daardie bekende Nashua-advertensie (waar Andrew die kantoorbleeksiel is wat die kantoorpoppies se harte steel) en die rolprent Vaatjie sien sy gat volg daarna.

Andrew is ook bekend aan kykers as Benjamin van Deventer in Binneland, en Vlooi in die kykNET-drama, Hartland. Andrew het ook saam met mede-akteur Ivan Botha in Superhelde verskyn, wat hy en Ivan saam geskryf het.


Molly en Wors: 11 Maart 2013

Vaatjie wil geld maak en hy en sy vriend Theunis van Rooyen dink daaraan om muis gegeurde katkos te bemark. Ouma Ella moet Wors by die polisie stasie gaan uitbail...

Vaatjie wil geld maak en hy en sy vriend Theunis van Rooyen dink daaraan om muis gegeurde katkos te bemark. Molly belet hom haar kombuis en Blapsie wil die SPCA op hulle sit.

Wors belowe ‘n kollega by die werk om na sy voëltjie te kyk, terwyl die vir ‘n naweek Durban toe skiet vir ‘n nood troue. Hulle haal vir Chilly Boy uit sy hok en Vaatjie los per ongeluk die deur oop. Voor Molly kan keer vlieg Chilly Boy weg. Wors jaag agterna op Vaatjie se scooter maar verloor die handoek om sy lyf en word gearressteer vir openbare onsedelikheid.

Ouma Ella moet Wors by die polisie stasie gaan uitbail terwyl die hele gesin na Chilly Boy soek. Theunis word die huis verbied en soek die hele nag deur. Die volgende oggend kom ‘n doodmoeg van Rooyen met die voëltjie daaraan. Die hele familie is oorsteldp van vreugde, veral Wors.
Lees Meer

Molly en Wors: 4 Maart 2013

Molly is vies vir Wors omdat hy neerhalend was oor ‘n droom wat sy gehad het. Sonskyn Paradys se bestuur laat Ella arresteer vir brandstigting!

TING TONG WONG

Molly is vies vir Wors omdat hy neerhalend was oor ‘n droom wat sy gehad het. Sy is ook omgekrap oor Wors se drome, want sy reken dat mens droom van dit wat in jou onderbewuste aangaan. Sy ys om te dink wat in syne aangaan. Die kinders ontdek ook iets skokkend oor hul ouers se verlede.

Vaatjie word uitgenooi na ‘n fancy dress saam met Sum Ting Wong en haar niggie Ting. Maar, hy moet aanterk soos ‘n sumo stoeier. Hy weet hy gaan baie koud en baie skaam kry.

Sonskyn Paradys se bestuur laat Ella arresteer vir brandstigting en Wors word ter elfde ure gebel om haar uit die verknorsing te help.
Lees Meer

Molly en Wors: 25 Februarie 2013

Blapsie het 'n pasiënt nodig vir haar masseer klas en sy kies Hardus. Vaatjie is erg onsteld dat sy nie vir Theunis gekies het.

SONSKYN PARADYS

Blapsie het 'n pasiënt nodig vir haar masseer klas en sy kies Hardus Volgel. Eerstens omdat hy 'n ongelooflike six-pack het en tweedens omdat hy 'n kar het. Vaatjie is erg onsteld dat sy nie vir Theunis van Rooyen gekies het nie, maar erken Theunis het nie een van bogenoemde nie. Ouma Ella maak weer haar verskyning, want sy het 'n sakie wat sy persoonlik met Wors moet bespreek. Ella het vir Wors kom vertel dat Herman Louw by haar gaan intrek sodra sy uit die kliniek ontslaan word. Gedurende haar kuiertjie dobbel sy ook Wors se kredietkaart op Vaatjie se rekenaar leeg en Molly stel aan Wors 'n ultimatum - dis of sy of sy ma....
Lees Meer

Molly en Wors: 18 Februarie 2013

Wors se kollegas by die werk sê hy moet sy voet neersit en vir Molly wys wie dra die broek in die huis. Hy doen dit, met nare gevolge...

Vaatjie vertel sy ma-hulle van ‘n nuwe nuusdiens op die internet, waar al die nuuslesers naak is. Molly dink dis vieslik en moet verban word. Wors wil weet of Melvin by die werk se computer dit ook sal kan opvang.

Blapsie nooi vir Hardus, om as model op te tree, by haar skool se praktiese klasse. Theunis is onsteld dat sy hom nie gekies het nie. Molly is vies vir Wors en skryf oorhaastig lelike goed van hom in haar dagboek. Later sukkel sy om dit uit te vee, want sy het dit eintlik nie bedoel nie.

Wors ontdek dat Molly die kode vir hulle dekodeerder al vir vier jaar kamstig nie meer kan onthou nie. Sy kollegas by die werk sê hy moet sy voet neersit en vir haar wys wie dra die broek in die huis. Hy doen dit en kry ‘n bak pasta oor sy kop vir sy moeite.
Lees Meer

Molly en Wors: 11 Februarie 2013

Ouma Ella daag ongenooid op om Wors te vra of sy by hulle mag intrek. Molly weier volstrek en Wors moet kies...

Wors is in die dog box omdat Molly voel hy kommunikeer nie genoeg met haar nie. Vaatjie is bekommerd oor sy vriend Theunis, want sy ma dwing hom om ‘n skewe sielkundige te besoek. Dié mors lelik met sy kop, en vra hom allerhande persoonlike en ongemaklike strikvrae. Vaatjie reken Theunis se probleme begin en eindig met Blapsie.

Ouma Ella daag ongenooid op om Wors te vra of sy by hulle mag intrek. Molly weier volstrek en Wors moet kies tussen sy ma en vrou, uit die aard van die saak ‘n verloor-veloor situasie vir hom, maak nie saak wat hy doen nie. Blapsie betrap Theunis en Vaatjie in mekaar se arms. Wors dink hulle stoei net, maar Blapsie is ontroosbaar. Vaatjie en Theunis moet mooi verduidelik, dit het met Theunis se sielkundige te doen, voordat Blapsie hulle vergewe. Molly dreig om uit te trek as Ella in trek.
Lees Meer

Molly en Wors: 4 Februarie 2013

Molly besluit om die hele gesin op ‘n gesonde vrugte dieet te plaas omdat sy wat Molly is, gewig opgetel het. Ella het ‘n tydelike kontantvloei probleem...

Molly besluit om die hele gesin op ‘n gesonde vrugte dieet te plaas omdat sy wat Molly is,  gewig opgetel het. Blapsie meen dis onregverdig. Wors en Vaatjie bly liewers net stil. Blapsie is boonop ook onsteld omdat arme Theunis van Rooyen nou berading kry, omdat hy vas glo hy het sy ouers se huwelik laat verbrokkel. Almal weet dis ‘n ontkleeddanseres en nie Theunis wat die oorsaak was nie. Wors nooi sy ma vir ete. Die hele gesin wil die hase pad vat. Wors wil Ella daar hé,  omdat hy haar wil herhinner aan die finasiele hulp wat sy hom belowe het met Blapsie se duur "beauty school" fooie. Ongelukkig het Ella ‘n tydelike kontantvloei probleem as gevolg van die feit dat daar deesdae ‘n casino om elke hoek en draai is, en kan Wors glad nie meer help nie. Sy is op soek na 'n blyplekkie en meen Vaatjie se rondawel is idiaal geskik. Molly dreig om Wors te skei as sy ma daar intrek.
Lees Meer

Molly en Wors: 28 Januarie 2013

Dis Blapsie se eerste dag by die Poly-Ann School of beauty en sy is baie senuweeagtig.

Dis Blapsie se eerste dag by die Poly-Ann School of beauty en sy is baie senuweeagtig. Worsie kla oudergewoonte hoe duur haar en Vaatjie se kursusse hom kos. Vaatjie spot Blapsie oor haar uniform - hy meen dit lyk ‘terterig’ en dit maak haar selfs nog meer senuweeagtig! Wors lig Molly in dat hy nie vir aandete by die huis gaan wees nie - hy en die ouens by die werk word uitgevat na ’n deftige restaurant, omdat hoofkantoor baie tevrede is met hulle werk. Wors voeg so terloops by dat die ete ook is om die nuwe bemarkingsbestuurder persoonlik en op ’n sosiale manier voor te stel. Molly raak agterdogtig toe Wors nie die persoon se naam wil noem nie. En ook met goeie reg - dis immers ’n vrou, ene Vermeulen... Madeliefie Vermeulen...
Lees Meer

Molly en Wors: 21 Januarie 2013

Wanneer Blapsie haarself verskoon omdat sy iewat naar voel, merk Molly onraad... Sy konfronteer Blapsie oor die naar voel storie

Vaatjie kom soos gewoonlik laat vir ontbyt en Molly, oudergewoonte trap hom uit. Blapsie voel sy moet ook bydra, en vertel haar ma van skurwe webtuistes wat Vaatjie na middernag besoek. Wors steur hom maar min aan wat om die tafel aangaan want hy is besig met diep politieke denke. Wanneer Blapsie haarself verskoon omdat sy iewat naar voel, merk Molly onraad...

Sy konfronteer Blapsie oor die naar voel storie en besluit om vir die wis en onwis Blapsie na Dokter Nel te neem en haar te laat toets. Ongelukkig vir Molly kom Wors se ma, Ella daarvan te hore en besluit om in te gryp. Sy ontbied Dominee en 'n ouderling wat die Visagies moet besoek om hulle as 'n gesin te beredder. Molly besluit om die bul by die horings te pak en kry vir Blapsie en Theunis voor stok. Blapsie se toets is negatief en Theunis is so bang vir Molly en veral vir Wors dat hy so gou as wat hy kan die pad vat. Wors voel Molly oorreageer. Blapsie hou vol sy is nie meer op skool nie en Vaatjie besoek steeds skurwe webwerwe na middernag.
Lees Meer

Molly en Wors: 14 Januarie 2013

Vaatjie doen navorsing op die internet vir sy Franse Vis disse taak, maar Molly vermoed hy kyk na vieslike films...

Agterdogtige gedagtes

Vaatjie doen navorsing op die internet vir sy Franse Vis disse taak, maar Molly vermoed hy kyk na vieslike films. Wors is in 'n depressie omdat 'n Hollander, Kees van Kuiken, wat na hom by die firma begin werk het, voor hom bevordering gekry het. Molly voel self afgeskeep omdat Wors haar maande laas uitgeneem het vir ete. Al wanneer sy blomme of sjokolade kry is wanneer Wors in die dogbox is. Molly sien toevallig 'n sms boodskap op Wors se selfoon wat hy vir 'n ander vrou gestuur het raak, en maak dadelik die verkeerde afleidings. Blapsie voel sy is nou oud genoeg om die huweliksprobleme wat dalk tussen Molly en Wors mag bestaan, op te los. Dit onstel net vir Molly meer. Sy konfronteer vir Wors voor sy kinders en nie alleen is die boodskap nie aan 'n vrou gerig nie, maar die pomp waarna Wors verwys, is inderdaad die swembad sin.
Lees Meer

Molly en Wors: 7 Januarie 2013

Blapsie slaag haar onderhoud vir die Polly-Ann School of Beauty en beide Theunis en Hardus daag op met blomme en sjokolade...

Die liefdes-driehoek

Die Visagie gesin se senuwees is almal gedaan, want Blapsie moet vir 'n onderhoud by die Polly-Ann School of Beauty gaan, wat gaan bepaal of sy 'n grimerings kursus sal kan doen of nie. Blapsie, oor ge-grimeer en effens naar, is die senuagtigste van almal. In plaas daarvan dat Wors en Vaatjie haar moreel ondersteun, praat hulle net oor hulle eie werksonderhoude en ondervindinge. Gelukkig slaag Blapsie die onderhoud met vlieënde vaandels en eers Theunis en dan Hardus daag met blomme en sjokolade by haar op, om haar geluk te wens. Toe takel hulle mekaar. Molly jaag die twee daar weg en Wors moet haar kalmeer. Verhoudings vererger nog verder as Blapsie en Hardus dinge wil uitpraat, maar die pratery in ‘n gefoefel ontaard. Ten aanskoue van Molly en Theunis.
Lees Meer

Bladsy 1 van 4 |

Molly & Wors: 26 Maart 2012 - (Deel 2)

Die groot dag het aangebreek! Ella soek skoor met Molly en maak amok tydens die seremonie - sy het alreeds in die sjampanje ingeklim.

Molly & Wors: 26 Maart 2012 - (Deel 1)

Almal se senuwees is in flarde oor die troue. Hulle bespreek hoeveel gaste is genooi en wat die kleredrag is. Wors is nie baie in sy noppies dat hy 'n pak moet aantrek nie. Vaatjie dink hy het koue voete...

Molly & Wors: 19 Maart 2012 (Deel 2)

Wors het ook baie goeie nuus en deel dit met Molly. Sy is baie skepties daaroor...

Molly & Wors: 19 Maart 2012 (Deel 1)

Theunis se pa is toegesluit vir dronkbestuur. Ouma Ella daag alweer by die Visagies op met haar tas. Vaatjie kry baie goeie nuus!

Molly & Wors: 12 Maart 2012 (Deel 2)

Blapsie sukkel om te slaap en praat met Molly oor die vrae wat haar wakker hou. Sy wonder of Molly vir Sjarmeney sakgeld gee. Theunis beseer homself ook...

Molly & Wors: 12 Maart 2012 (Deel 1)

Vaatjie het van sy bromponie afgeval en sy skouer seergemaak. Die gesin stry daaroor om die ontbyttafel.

Molly & Wors: 12 Maart 2012 - Andrew Thompson Huldeblyk

Willie Esterhuizen lewer 'n roerende huldeblyk aan Andrew Thompson, wie op 10 Maart sy eie lewe geneem het.

Molly & Wors: 5 Maart 2012 - Molly & Wors (Deel 2)

Sjarmeney word uitgeskop uit haar ouerhuis en trek in die spaarkamer by die Visagies in. Vaatjie het 'n groot vraag wat hy vir Sjarmeney wil vra.

Molly & Wors: 5 Maart 2012 - Molly & Wors (Deel 1)

Molly is baie ontsteld omdat Wors hul persoonlike sake by die werk gaan uitlap het. Vaatjie voel baie jammer omdat hy die oorsaak van Molly se ongelukkigheid is. Hy kan nie verstaan hoe Sjarmeney swanger kon raak nie...

Molly En Wors: 27 Februarie 2012 (Deel 2)

'n Bom bars! Vaatjie en Sjarmeney het nuus wat hulle nie graag vir Wors en Molly wil vertel nie, maar genoodsaak is om dit wel te doen.

Bladsy 1 van 6 |

Molly, Wors en kie

Molly en Wors, sowel as hul kroos en natuurlik Vaatjie se vriend (en Blapsie se aan-af kêrel), Theunis van Rooyen, sorg vir hope vermaak vir die hele gesin!

Bladsy 1 van 1 |

Andrew Thompson se dood is 'n 'groot verlies'

Die akteur Andrew Thompson, bekend vir sy rol in reekse soos Molly en Wors en Hartland, het Saterdag 10 Maart selfmoord gepleeg.
Lees Meer

Molly en Wors episodes

Maandag 14 November hou ons 'n Molly en Wors fees! Ons saai beide episode 58 (gisteraand se oorspronklike episode) en episode 59 direk na mekaar uit.
Lees Meer

Vaatjie gaan sy lewenswyse verander

Gerhard Odendaal, wat die rol van Vaatjie in Molly en Wors vertolk, het in September 'n pasaan­geër gekry. Hy meen dis omdat hy so oorgewig is.
Lees Meer

Wors sien sy gat...

As jy lekker wil lag, moet jy beslis hierdie video kyk - dis skreeusnaaks! Wors probeer 'n toertjie uit te voer, boonop in sy geboortepakkie...
Lees Meer

Dít maak Carien gelukkig

Kykers ken Blapsie as Vaatjie se snipsuster, maar min mense ken die aktrise agter die karakter, Carien Botha. Sy gesels oor haar persoonlikheid, wat haar gelukkig maak en waarop sy geld uitgee.
Lees Meer

Willie gee lewe aan komedie

Willie Estherhuizen, wat die rol van Worsie vertolk, is die skrywer van kykNET se gewilde komedie. Hy vertel waar die idee vir Molly en Wors vandaan gekom het en waar hy sy inspirasie vandaan kry.
Lees Meer

Wors die Renoster

Kyk net hoe oulik! Ockie en Colleen Pretorius het twee renosters op hul plaas, Zulu Rock naby Vryheid, Molly en Wors gedoop! Lees hul storie hier...
Lees Meer

Koop Molly en Wors DVD

Jy kan nou DVD's van Molly en Wors episodes op Kalahari.net koop! Volg net die link en jy sal direk soontoe geneem word.
Lees Meer

Bladsy 1 van 1 |



  • Video


  • Nuusbrief


    bal

    Teken in op ons nuusbrief!

    Is jy gereed om die jongste nuus, hoogtepunte, video's en nog vele meer te ontvang? Voltooi asseblief die onderstaande vorm.

  • Luister na kykNET Musiek

    kyknet musiek
  • kykNET op Twitter

    kyknet musiek
  • Kontak kykNET

    kyknet musiek
  • Facebook

  • Volg ons op Facebook Volg ons op Twitter Registreer vir RSS Feeds