Kayla is ‘n normale twaalfjarige met groot drome en letterlik ‘n lied in haar hart en in haar stem. Musiek en om te sing is haar passie en sy verken die lewe saam met haar twee beste vriende: maltrap Nadia en buurseun Dolf.

Kayla blog gereeld met haar vriende, totdat Nadia besluit om Kayla se musiek en goeie raad wat sy gereeld uitdeel, op ‘n offisiële blog te sit.  Nadia reël als vir Kayla as ‘n verassing en voor Kayla haar oë kan uitvee begin die hits op haat blogtuiste klim – veral vanwee haar musiek wat hulle daarop laai.

Die hits op die blogtuiste vlieg omtrent deur die kuber ruim wanneer die groep vriende besluit om self musiekvideo’s van Kayla se musiek te skiet en te laai op die blog.  Nadia is die selfaangestelde regisseur en arme Dolf die kamerman, rekwisietemeester en dekorverwer/maker terwyl Kayla sing en almal in die proses betower.

Maar als is nie maanskyn en rose nie, veral nie na Chelsea as ‘n nuwe leerling opdaag by die skool en van dag een af haar mes in het vir Kayla nie. Boonop besef Kayla baie vinnig dat alhoewel sy goeie bedoelings het, dit meeste van die tyd verkeerd uitdraai in die lewe.  Gelukkig is Pa Hennie en Ma Carla daar om haar te ondersteun en veilig te hou ... en as sy desperaat genoeg is, haar ouer boetie Zander.  En as dit nie werk nie is daar altyd haar eksentrieke Oupa Frank...

Dinsdae @ 19:30; Woensdae @ 15:30; Donderdae @ 11:30; Vrydae @ 22:00; Sondae @ 20:00; Maandae @ 14:00.

Nuus

Wie is Juffrou Papenfus?

Juffrou Papenfus, wat skoolgee vir Kayla en haar vriende in Liefste Kayla, is 'n opgewekte onnie wat baie lief is vir haar leerlinge. Elizna Vermeulen, wie die rol van die geliefde onnie vertolk, vertel meer oor haarself en die dinge waarvoor sy lief is.

Lees Meer

Liefste Kayla CD nou beskikbaar

Die Liefste Kayla CD is sopas vrygestel en in die winkels beskikbaar met al die treffers van die reeks daarop!

Lees Meer

Vilje Maritz se gunsteling dinge

Vilje Maritz, wie die rol van Kayla se broer, Zander, in Liefste Kayla vertolk, is 'n baie aktiewe ou! Hy vertel wat sy gunsteling maniere is om aan die gang te bly en waar aanhangers hom kan raakloop.

Lees Meer

Liefste Kayla kompetisie

Maak jou eie musiekvideo en staan ‘n kans om groot pryse te wen en jou talente vir die wêreld te wys!

Lees Meer

Liefste Kayla se 'hottie' hou van branderplankry

Zyn Geustyn, wat die rol van die hottie van die skool, Pierre Malherbe in Liefste Kayla vertolk, vertel wat hy graag in sy vrye tyd doen en watter eienaardige gewoontes hy het.

Lees Meer

'Die donkerte is vir my scary'

Correa Laubscher, Kayla se vriend Dolf in Liefste Kayla, verklap wat mense nie van hom weet nie en dat hy van karate flieks met Jackie Chan hou.

Lees Meer

Liefste Kayla blog is 'n groot treffer

Kayla se vriendin, Nadia, het haar oorreed om 'n 'blog' te skep. Eers was sy baie skepties, maar binne 'n baie kort rukkie het die 'blog' baie gewild geword!

Lees Meer

Kayla se 'maatjie' Chelsea heet Lalla

Lara de Bruijn, wie die rol van Chelsea in Liefste Kayla vertolk, verklap watter oulike bynaam haar gesin haar gegee het en watter eienaardige gewoontes sy het.

Lees Meer

Kayla se blog

Kayla wil weet wat jou pla, waarvan jy hou en wat jy met haar wil deel. Kom gesels saam met haar!

Lees Meer

Franci Swanepoel - tuis in elke rol

Op die kassie is Franci Swanepoel ewe tuis in die rol van die talentvolle tiener Kayla Venter se ma, Monja, in die nuwe kykNet-reeks Liefste Kayla.

Lees Meer

Meer Nuus

Mienet du Toit (as Sonja)

MIENET DU TOIT (as Sonja)

Mienet is gebore op 1 September 1997 en woon in Bellville. Sy is tans in Hoërskool DF Malan en vir haar is van die belangrikste dinge in die lewe haar vriende en familie. Liefste Kayla is haar eerste televisie produksie, maar Mienet het al ‘n hele paar skoolkonserte agter die rug.

Mienet het die oudisie vir Liefste Kayla gedoen omdat haar passie nog altyd sing, dans en drama was. Vir haar is dit die grootste voorreg om saam met sulke ongelooflike mense te werk en sy sal so ver gaan as om dit te beskryf as “die beste ding wat nog ooit met [haar] gebeur het.” Liefste Kayla beteken ook vir haar ongelooflike baie omdat sy die kans gekry het om dit te deel met haar beste vriendin, Lara de Bruijn (wat die rol van Chelsea Houghaardt vertolk).

Nadia Fourie (as Lisa)

NADIA FOURIE (as Lisa)

Nadia is 15 jaar oud en is tans 'n leerling aan die Hoërskool Wagpos, 'n koshuis net buite Brits. Haar enigste ondervinding tot dusver is redenaars by die skool. Verder sing sy graag, en het al in 'n voorprogram vir Juanita Du Plessis opgetree in graad sewe.

Neels Coetzee (as Oupa Frank)

NEELS COETZEE (as Oupa Frank)

Neels Coetzee het Drama en Toneel studeer aan die Universiteit van Pretoria en was vanaf 1968 tot 1974 deel van SUKOVS se toneelgeselskap.  Vanaf 1975 tot 1996 het hy vir die destydse KRUIK gespeel. Hy word vir verskeie toekennings benoem en ontvang die Fleur De Cap toekenning vir sy spel in Die Tou.

Sedert die ontbinding van die streeksrade doen hy vryskutwerk en tree op in produksies soos, Vrededorp , Die Lewe is Alleen Draaglik As ʼn Mens ʼn Bietjie Dronk Is, Altyd Jonker, Die Storm, Ella se Perde, Pieter Fourie produskie  Die Koggelaar en die omstrede toneelstuk, Untitled by die Grahamstadse Kunstefees.

By die Staatsteater was hy te sien in Skroot, Drie susters II, My Vrou se Man se Vrou, Vatmaar en My Boetie se Sussie se Ou.  Asook meer onlangs in Deon Opperman, Sean Else en Johan Vorste se treffer Boere-oorlog Musiekblyspel “Ons Vir Jou’. Hy het ook verskyn in verskeie TV produksies waaronder Isidingo, Egoli, Binnelanders, Jacob’s Cross, Snitch en hy speel ook die rol van die prokureur, Notnagel in 7de Laan.  Neels was ook onlangs te sien in Sean Else se musiekfliek, Platteland, in kykNET se sitkom Ouma en Oupa as die dominee en in kykNET se drama, Vloeksteen.

In 2013 is hy te sien in twee een-man vertonings wat albei open by die Stellenbosch Woordfees. Hy is baie opgewonde oor Eenkantland (gebaseer op Theunis Uys se Eenkantland: Venster Op Namakwaland) wat hy self vervaardig.

Vaughan Gardiner (as Vaughan Gardiner)

VAUGHAN GARDINER (as Vaughan Gardiner)

Vaughan Gardiner het homself al gevestig as suksesvolle musikant, akteur, liedjieskrywer en musiekvervaardiger, maar tog is hy nog ver van waar hy wil wees … sy drome is groot.

Op veertien het hy met klassieke sangopleiding by Koba Wicomb begin en aangehou totdat hy, in 2009, uit die Kaap getrek het. Intussen het Vaughan sy eerste professionele teater produksie aangepak met ‘n rol in die Griekse tragedie, Oedipus the Tyrant, wat opgevoer is by die Kunstekaap Teater; sy BRek graad verwerf aan die Universiteit Stellenbosch in 2008; en sy debuut album (Wie Ek Is) vrygestel in 2009.

Vir sy debuut album het Vaughan ‘n hele paar nominasies en toekennings losgeslaan, waarvan die hoogtepunt ‘n MK Award in die kategorie Beste Solo in 2010 was. In 2010 vertolk Vaughan sy eerste hoofrol in Deon Opperman se Jock of the Bushveld en ontvang ‘n Naledi Theatre Awards nominasie as Beste Nuweling vir hierdie rol. Toneelspel daarna sluit in: Deon Opperman se TREE AAN! Die grensoorlog musiekspel; die KykNET dramareeks Hartland; die musiekfliek Platteland (waarvoor Vaughan die temalied, gesing deur Steve Hofmeyr en Bok van Blerk, ook geskryf het); Deon Opperman en Sean Else se treffer musiekblyspel Lied van my Hart (waarvoor Vaughan die temalied, gesing deur Steve Hofmeyr en Nádine, geskryf het); en die gewilde KykNET dramareeks Getroud met Rugby.

Vaughan bly tans saam met sy vrou in die Kaap. Hy het in September 2012 sy nuwe album, Hoe wys ’n man sy hart, vrygestel. ‘n Album waarin hy meeste van die musiek self geskryf en self vervaardig het.

Kayla (as Kayla Venter)

KAYLA (as Kayla Venter)

Kayla is tans 14, sy het van babatyd ‘n spesiale liefde vir sang gehad.  Sy is baie pligsgetrou en gewild onder haar maats – sy is tans in graad 9 en op Jim Fouche Sekondêre skool.

Kayla het in Gr 1 in die skoolkoor begin sing tot in Gr 4, maar toe sy 8 jaar oud was het sy by die Phillip Kotze Sangskool in Bloemfontein begin sanglesse neem.  Sy het binne die eerste jaar die Top 18 lys behaal van 350 studente – sy was die jongste sangstudent wat ooit op daardie ouderdom die top 18 in die Sangskool behaal het.  Phillip Kotze se heel eerste woorde wat hy op haar oudisie terugvoer geskryf het was die woorde “potensiele ster” en hy was verras met die aanvoeling en tegnieke wat Kayla van nature het en wat veral nodig is om dit in die vermaaklikheidsbedryf te kan maak.  In haar 2e jaar as student in die Sangskool het Phillip persoonlik opgetree as haar “vocal coach” en Kayla het in daardie jaar uitgeblink onder die top 4 studente in die Sangskool.  Sy was toe 10 jaar oud.

Kayla speel klavier vandat sy 5 jaar oud was, maar haar liefde vir die kitaar is ‘n ervaring en ‘n half – haar 2 kitare het selfs name!

Kayla het vir Sean Else ontmoet toe sy 9 jaar oud was. Toe Sean ‘n slag in Bloefontein was, het Kayla hom beindruk met haar sang, maar op daardie stadium was sy nog te jonk vir wat Sean in gedagte gehad het.

Nadat sy vir Sean ontmoet het, het Kayla hard aan die werk gespring en haar skryftalent voltyds begin ontwikkel. Met die, kon sy meeste van die snitte op haar debut album (en eerste seisoen van Liefste Kayla) self skryf.

Kayla het al by groot korperatiewe funksies opgetree, insluitend die Shoprite Checkers Awards en Spar se Carols by Candelight.

Kayla is ‘n gebore kunstenaar – dis amper asof sy in iemand anders verander die oomblik as sy ‘n mikrofoon in haar hand vashou!

William Michaels (as Tjopper)

WILLIAM MICHAELS (as Tjopper)

William is gebore te Heidelberg op 7 Mei 1988. Hy het sy laerskool loopbaan voltooi aan De Waalville Primer en matriekuleer aan Kairos Sekonder, dit was daar waar sy passie vir toneelspel ontwikkel was en hy het ook ‘n liefde gekweek vir toneelspel toe hy begin deelneem aan die kairos dramagroep. Dis ook daar waar hy blootgestel was aan jeugteater kompetisies en sodoende baie gemaklik geraak het met sy “craft”.

In 2007 het hy gaan drama studeer aan Northlink Kollege. 2008 het hy sy eerste rol in ‘n professionele produksie gekry, More Is ‘n Lang dag- Albert Maritz. Daarna het hy in meer professionele produksies deelgeneem genaamd, Die Keiser, Romeo and Juliet, Kap An, Buckingham Palace en meestal van die tyd kinderteater. In 2011 het hy sy eie produksie geskryf genaamd, UP IN SMOKE, wat baie groot sukses behaal het by meeste van die feeste; Suidoosterfees, Zabalaza Festival en daarna was die produksie uitgenooi om deel te vorm van die KKNK in 2012.

As William nie werk in professionele produksies nie, hou hy homself besig met werkswinkels en teater ontwikkeling op plattelandse dorpe. Sy liefde lê ook in ontwikkeling van plattelandse dramagroepe.

Correa Laubscher (as Dolf Botha)

CORREA LAUBSCHER (as Dolf Botha)

Corréa Laubscher is 12 jaar oud en is op 4 Junie 2000 in Durbanville gebore, waar sy gesin die eerste agt jaar van my lewe gebly het. Hy woon tans in die Swartland waar hy ‘n graad ses leerling aan die Laerskool Riebeek Kasteel is.

Hy beskryf homself as ‘n “peoples person” en is mal oor vriende, gesels maklik en kom goed met oud en jonk oor die weg. Hy is ‘n groot sportgeesdriftige en is deel van sy skool se onder 13A rugby en krieketspanne. Hy het ook ‘n vreeslike liefde vir motorfietse.

Vandat hy kan onthou, is Corréa nog altyd mal daaroor om te sing en te “perform”.

Hy is vanaf 2010 verbonde aan die Maritza Sangskool op Riebeek Wes, waar hy proffessionele sanglesse neem. Alhoewel hy nog nooit voorheen deel was van ‘n produksie nie, het hy die afgelope twee jaar gereeld by verskeie geleenthede soos jaareindfunksies, bekendstellings of promosies, fondsinsamelings en skoue opgetree.

Sy doelwit in die lewe is om elke geleentheid wat na sy kant toe kom aan te gryp en die beste daarvan te maak. Hy hoop hy kan daardeur eendag sy volle potensiaal ontwikkel en sy droom om ‘n sanger te word, op so ‘n manier, bewaar. Hy wil ook ander kinders van sy ouderdom aanmoedig om hul drome na te streef.

Elizna Vermeulen (as Juffrou Papenfus)

ELIZNA VERMEULEN (as Juffrou Papenfus)

Toneel was van kleins af in haar bloed en sy het om elke hoek en draai konsert gehou. Vanaf die ouderdom nege het sy deelgeneem aan elke eisteddfod, skoolkonsert en kursus wat oor haar pad gekom het.

Sy het ook haar liefde vir musiek op ‘n jong ouderdom ontdek en speel saksofoon, dwarsfluit en klavier; en was al in, onder andere, Barnyard se produksies te sien. Op hoërskool het sy na Pro-Arte Alphen Park gegaan om die kunste verder te bestudeer en dit was vanselfsprekend dat sy drama by die Universiteit Stellenbosch in 2008 sou swot.

Sy het reeds in haar tweede jaar vir die bekende Lollos Produksies begin werk en het gedurende dié tyd haar liefde vir kinderteater ontdek. Verlede jaar het sy, saam met ’n vriendin, Annemarie Hattingh, Janeekyk Produksies gestig en pak die teaterwêreld in volle swang aan. Liefste Kayla is haar eerste televisie produksie en sy hoop om gou weer in die wêreld van kameras te werk.

Franci Swanepoel (as Monja Venter)

FRANCI SWANEPOEL (as Monja Venter)

Franci is in 1972 in Johannesburg gebore. Van kleins af speel sy in TV en Radio-dramas, soos PG du Plessis se Kooperasie Stories – die rol van Soon Pieterse se “Gesie” en Stephan Bouwer se Ntinzini Spa. Sy was veral lief vir Animasie – oorklanking en die rol van “Groenie die drakie” sal altyd uitstaan. Vir vyf jaar speel sy ook die rol van “Karlien” in Leon van Nierop se Radio –drama, Stralerjakkers.

Na skool studeer sy drama aan die Universiteit van Stellenbosch en speel daar in verskeie studente produksies. In haar finale jaar speel sy ook n klein rol in Johan van Jaarsveld se TV Drama, Woestynblom.

In 1994 keer sy terug na Johannseburg waar sy voltyds by die SABC begin werk as kontinuiteits-aanbieder. Sy doen dit tot 1999. In 2000 sluit sy aan by KykNET as die eerste Nuusleser en in dieselfde jaar bied sy die reisprogram, Swerftyd aan. In 2001 begin sy die program Fiesta wat vandag nog op KykNET uitgesaai word.

Franci begin in 2005 voltyds by die sepie Binnelanders as die karakter, Toeks, waar sy tot 2011 speel. In 2011, speel sy die rol van Antoinette in Deon Opperman se TV Drama Hartland en keer ook terug na die verhoog met Hennie van Greunen se suksesvolle Janneman en Deon Opperman se Aantrekkingskrag.

Sy is ook mede-vervaardiger van die program, 10 uit 10 op kykNET.

Sy speel in 2012 die rol van Christien in die film Lien se Lankstaanskoene en Leatitia in Deon Opperman se Getroud met rugby.

Lara Hattingh (as Annelie)

LARA HATTINGH (as Annelie)

Lara is 17 jaar oud en in Hoërskool Durbanville. Sy het tot dusver hoofsaaklik verhoogwerk gedoen en het reeds verskeie nominsasies en toekennings as beste aktrise op verskeie tienertoneelfeeste ontvang. Sy doen ook ballet en het drie jaar gelede met sangopleiding begin en het ook hier reeds ‘n hele paar pryse gewen.

Sy wil graag na skool gaan drama swot by die Universiteit van Stellenbosch en haar liefde ‘n loopbaan maak.

Marlese Wallis (as Louise Houghaardt)

MARLESE WALLIS (as Louise Houghaardt)

Marlese is gebore in Kaapstad, het skoolgegaan by Hoërskool Florida aan die Wes-Rand van Johannesburg en toe Drama gaan studeer op destydse Pretoria Technicon.  Daarna het sy pens en pootjies beland in Suid Afrika se eerste Afrikaanse Girlband, Shine4.  Hulle het Suid-Afrika plat getoer en van dorp tot dorp hulle treffers gesing o.a Perfekte Wêreld, Ramaja en Mamma dis my kêrel.  Hulle was gereeld in Namibië vir optredes en het selfs al voor ‘n Shaik van Arabië opgetree in die Seychelles. Shine4 het vier keer Huisgenoot Skouspel gedoen en het na sewe jaar elf musiek videos, vier albums (waarvan 2 goue status behaal het) en n DVD opgeneem.  In 2008, het hulle hulle danstekkies opgehang om plek te maak vir nuwe dinge (soos trou en kinders kry.)

Tussen deur het Marlese ‘n klein rol gehad in Egoli in 2004, was sy ‘n TV aanbieder op Pasella en op kykNET vir Mode Mallemeule.  Sy het ook aan KKNK en Aardklop feeste deelgeneem met optredes uit Koes, Starstruck 1, Starstruck 2 en Bra Elvis tussen 2002-2008.

Marlese woon vir die laaste vier jaar in die Kaap en is gek daaroor!  In 2010, het sy die rol vertolk van Prinses Lettera in Vlooi en die geheime skat, ‘n skoolboek projek wat Margit Rodenbeck-Meyer elke jaar aanbied vir skool kinders.  Sy is ook te siene in talle advertensies.

Sy en haar man, Herman, het ‘n een-jarige met die naam Juliette. Volgens Marlese is sy nog al die jare n blondine, en gek daaroor; haar gunsteling kleur is geel, want dit laat haar glimlag en jy kan haar omkoop met soetgoed!

Pedro Kruger (as Danny Houghaardt)

PEDRO KRUGER (as Danny Houghaardt)

Pedro Kruger is reeds van kindsbeen af op die planke.  As lid van die Tygerberg Kinderkoor het hy die wêreld volgetoer insluitende optredes in Wenen, waar die koor internasionale pryse verower het.

In 1986, as Standerd 7 leerling, vertolk Pedro die rol van die jong Benjamin in die Nico Malan se verhoogverwerking van Fiela se Kind.  Die volgende jaar toer hy ook landwyd as deel van die rolverdeling van Pieter Fourie se Die Koggelaar.

In sy hoërskoolloopbaan verower hy die gesogte Beste Akeur-prys in die landwye ATKV tienertoneelkompetisie ‘n verstommende drie keer.  Na skool sluit hy aan by die Breughel Teatergroep en werk ook vir die Baxter Storyspinning Theatre Company.

Dit is toe dat toneelskrywer Hennie van Greunen hom oorreed om sy eerste eenmanvertoning aan te pak.  Blougat (regie: Shirley Ellis) debuteer in 1998 by die KKNK en skrywer en akteur deel die gesogte De Kat Slurpie-prys vir spel en teks. Dis ook in 1999 wat hy gekies is as spankaptein op Liriekeraai, kykNet se gewilde musiekspeletjieprogram.

Vanaf 2000 sluit teater hoogtepunte in: Lyf, Vrou wat haar man gekook het, Op die vrou af, Dinsdae by Morrie.

Buiten Liriekeraai, sluit Pedro se televisiekrediete ook ‘n rol in  ‘Lied van die Lappop’ in sowel as ‘n gasrol in die nuwejaarsepisode van ‘Sewende Laan’.  Hy was ook al as gas op ‘Dis hoe dit is met Steve’, ‘Skotteljons’, ‘Kwela’, ‘Fiesta’, ‘Villa Rosa’, ‘Spekskieters’ en ander aktualiteitsprogramme. Januarie 2013 sal hy te sien wees in twee nuwe reeks vir Kyknet.

Hy het in 2009 die Edinburgh International Fringe Festival bygewoon, waar hy sy produksie Normality vir die wêreld gaan wys hetDie internasionale resensente het sy vertolking beskryf as ‘mesmerising’, ‘exceptional’, ‘a tour de force”  en ‘brilliant’ en Pedro se eerste besoek aan die internasionale fees was ‘n triomf, met nie minder nie as 6 vyfster resensies. Hy wen dan ook by die fees die gesogte “Hidden Gem” toekenning.

In 2012 wen Pedro die gesogte SAFTA televisie toekenning as deel van die skryfspan vir Kyknet se gesogte Proesstaat reeks. Tans skryf hy aan die volgende reeks wat Januarie 2013 begin skiet.

Pas terug van New York waar Pedro se eenmanvertoning, Normality geopen het op Broadway as deel van Unitedsolo festival. n Eerste vir Pedro en vir ‘n Suid Afrikaanse produksie. Ook hier is Pedro en die produksie met juigende applous en reaksie ontvang. Die produksie word bekroon met die gesogte Unitedsolo Academy toekenning vir die Beste Musiekteater produksie.

Pedro se fenomenale gawes as akteur, komponis, sanger en musikale regisseur maak hom een van die mees talentvolle kunstenaars wat tans in die Suid-Afrikaanse vermaaklikheidswêreld werk.

Tilla Diedericks (as Tannie Janet)

TILLA DIEDERICKS (as Tannie Janet)

Tilla Diedericks is al bykans 35 jaar in die filmbedryf, en as sulks het sy al in verskeie televisie reekse en verhoogproduksies opgetree. Die TV reekse sluit in GEKNELDE LAND, JACKPOT, 7de LAAN en meer onlangs VLOEKSTEEN. Haar verhoogwerk sluit in HUPS IN DIE HYDRO en EK ONTHOU VIR MAMMA in die destydse Nico Malan teater (nou Artscape).

Tilla het ook al die regisseurshoed gedra in verskeie verhoogproduksies, en van haar gedigte en kortverhale is ook al deur Tafelberg Uitgewers gepubliseer.

Tilla gee tans klas in die vak DRAMATIESE KUNSTE aan Hoërskool Tygerberg.

Voor die kameras of op die verhoog is waar Tilla tuis voel, sy kan nie sonder dit leef nie (al is die werk deesdae drupsgewys). In die woorde van Tilla self: “Ek love dit!”

Tilla is getroud met Jannie, en het 2 seuns – Dieter woon in Vancouver, Kanada, en Rigard in Sydney, Australië.

Vilje Maritz (as Zander Venter)

VILJE MARITZ (as Zander Venter)

Hoewel Vilje nog jonk is, het hy reeds ‘n hele lys produksies agter die rug. Films sluit in Verraaiers, waarin hy die rol van CJ van Aswegen vertolk het en Unto Dust, waarin hy die rol van Henri vertolk het. Televisie produksies sluit in Die Boland Moorde, Vloeksteen en Binnelanders. Vilje was ‘n leerling aan Hoërskool Jan van Riebeeck waar hy ‘n beurs vir sport en akedemie gehad het. Op skool is hy aangewys as die ATKV se Nasionale Beste Akteur.

Lara de Bruijn as Chelsea Houghaardt

LARA DE BRUIJN (as Chelsea Houghaardt)

Lara is 15 jaar oud en in Hoërskool DF Malan. Op laerskool het sy gehou van Eisteddfod’s, maar het nooit drama gedoen nie. Sy het eers later begin sing. Sang is een van haar groot liefdes. Verder is sy mal oor kuns en dans, veral HipHop. Sy is nie mal oor sport nie (al is Chelsea ‘n uiters goeie doel op die netbalbaan!)

Sy beskou haarself as ‘n perfeksionis en beskryf haarself as ‘n “vredeliewende, onselfsugtige, lief-vir-klein-kindertjies, MAL-oor-my-familie en fun tipe mens.” Meeste van die eienskappe is in teenstelling met haar karakter, Chelsea, maar vir haar is dit groot pret om in Chelsea Houghaardt te verander as die kameras begin rol.

Louw Venter (as Hennie Venter)

LOUW VENTER (as Hennie Venter)

Louw Venter is 'n langlendige akteur en skrywer. Hy is veral bekend vir sy rol as Corne in The Most Amazing Show, maar het  ook talle film en televisie rolle onder sy belt. As byspeler in internasionale produksies soos In my Country met Julliete Binoche en Samuel L Jackson en die kunsfilm Black Butterflies. Hy is ook 'n bekende gesig op televisie as Corne, homself in Survivor Santa Carolina, sowel as improviseerder op kykNET se Spekskieters en die onbeholpe Hertjie Greyling in die silwerdoek treffer Semi Soet.

Sy skryfwerk sluit in jare as bekroonde kopieskrywer, twee TV-reekse van The Most Amazing Show, 'n rolprent, kortfilms en talle verhoogstukke. Hy bly in die Kaap en hy het 'n vrou, twee kinders, 'n hond, 'n kat en hy eet heeltemal te veel huisiekaas.

Annette Engelbrecht (as Tannie Ansie)

ANNETTE ENGELBRECHT (as Tannie Ansie)

Annette is gebore in Pretoria in 1948. Hier het sy skoolgegaan en is later ook na Tukkies om in Drama te studeer.  Later doen sy haar Honeurs graad aan die Universiteit van die Witwatersrand.

Aanvanklik speel Annette op die verhoog vir die Streeksrade, vir SUKOVS, CAPAB, maar  veral by TRUK.  Hier , onder leiding van Francois Swart en Mannie Manim, is sy deel van die ensemble groep wat akteurs soos Marius Weyers, Sandra Prinsloo, Louis van Niekerk, George Ballot en Wilna Snyman insluit.  Dit is ‘n blom tydperk in die Teater  1968 tot 1982, en Annette word beloon met die toekenning as beste aktrise vir haar spel van Meraai  in “Mattewis en Meraai” asook vir haar spel in “Kanna Hy Kom Hystoe” in die rol van Kietie.  Hier word die grondslag gele vir haar kuns as aktrise vir die volgende 44 jaar.

Annette is in 1972 getroud met die akteur Will Roberts en hulle het drie kinders, Karlien , Werner en Will.  Haar loopbaan slaan ook ‘n nuwe koers in toe Televisie in Suid Afrika begin en oor die jare het Annette in verskeie dramas , sitcoms en reekse  gespeel. Om ‘n paar te noem: “Mattewis en Meraai”, “Skooldae”,  Swartkat” , “Die Avonture van Joachim Verwey”, “The fourth Reich  en “Orkney Snork Nie”, wat baie suksesvol was en haar ook die Tonight toekenning besorg.

Deur die jare het Annette in al die genres gewerk:  die verhoog, televisie, radio  en films soos, “ Seuns van die Wolke” en die twee rolprente van “Orkney Snork Nie”.

In 2002 is Annette na die UK waar sy klas gee aan die University of Central England  by die Birmingham School of Acting, vir agt jaar. Daar studeer sy dan ook verder  en spesialiseer in die ontwikkeling van die stem. Sy voltooi twee Kursusse aan die  London Academy of Music in die Estille metode van stem gebruik deur die akteur, veral in musicals.

Terug in SuidAfrika het Annette onmiddelik weer begin klas gee en speel onder andere  in die film “Platteland”  die TV reekse “Hartland” en “Villa Rosa”  en onlangs in twee films wat nog vrygestel moet word nl. “ Die 100 meter Leeuloop” saam met Robbie Wessels  en die film “ Pretville”. Die nuwe reeks wat in januarie begin: “Liefste Kayla”

Annette speel graag klavier,  doen borduurwerk, krap in die tuin  en lees veral graag gedigte,  fiksie en biografiee.

Annette woon in Witrivier vanwaar sy nog steed as vryskut aktrise werk en ook ‘n Drama Akademie bedryf waar sy betrokke is by die opleiding van kinders en volwassenes in Drama.

Will Roberts (as Oppel du Randt)

WILL ROBERTS (as Oppel du Randt)

Will het al groot naam gemaak in die vermaaklikheidsbedryf. Hy Het ‘n Rapport Oscar gewen vir Best Performance by an Actor in a Film” vir Die Rebel Role. Films sluit in Seuns van die Wolke, Sonneblomme uit Parys, Somer, Liedjie van Verlange, Die Rebel, Mooi Meisiesfontein, Sonja, Broer Matie en Taxi to Soweto. Televisie werk sluit in Taakmag, Kromdraai, Bart Nel, Life and Times of Joseph Conrad, Phoenix en Kie, Meulenhoff se mense, Triptiek, Erf Sondes en Lug Lokval. Verhoog werk sluit in Hammer van die Hekse, Kanna hy ko’ huis toe, Die Reenmaker, Mattewis en Meraai en The Tempest. 

Cara van der Merwe (as Nadia le Roux)

CARA VAN DER MERWE (as Nadia le Roux)

Cara het groot geword in Durbanville. Tydens die skiet van Liefste Kayla was sy in Laerskool Gene Louw, maar is tans in die Hoërskool Stellenberg.

Cara doen al drama van graad een af by The Stage Sang & Dramaskool waar sy ook sanglesse neem. Sy het al in drie verhoog produksies opgetree waarin sy hoofrolle gespeel, sowel as gesing het. In 2009 is Cara aangewys as beste aktrise (The Stage) en in 2010 as mees veelsydige aktrise (The Stage). In 2010 het sy ook beide haar kategorieë (monoloog en sang) gewen in die Feather Boa Talent Search. Cara is in 2011 aangewys as algehele wenner van die Feather Boa Talent Search (Junior kategorie). By haar laerskool, Gene Louw, het sy aan verskeie Eisteddfods en talentkompetisies deelgeneem.

Liefste Kayla is Cara se eerste TV produksie.

Zyn Geustyn (as Pierre Malherbe)

ZYN GEUSTYN (as Pierre Malherbe)

Tydens die skiet van Liefste Kayla was Zyn 18 en besig met sy Gr12 eind-eksamen. Hy's van ‘n klein Weskus dorpie, Lambertsbaai en het skool gegaan by Augsburg Landbougimnasuim in Clanwilliam. Hy's n “body-boarder”, 'n groot rugby- en sokker-aanhanger en is baie lief vir mense.

Zyn was in 2012 die Mzantsi Africa Teen Ambassador vir Suid-Afrika en Liefste Kayla is sy eerste TV produksie.


Liefste Kayla: 9 April 2013

Monja is heeltyd moeg en glad nie haarself nie. Dan hoor sy wat 'fout' is met haar...

Monja is heeltyd moeg en glad nie haarself nie. Sy is bekommerd, totdat Oupa Frank haar hospitaal toe neem en hulle besef dat die nuus glad nie so sleg is nie. Tannie Ansie is steeds stukkend en hartseer oor haar vriend haar bedrieg het en al haar geld gesteel het. Vaughan Gardiner se agent nader vir Hennie en Monja om vir hulle te vra of Kayla sal optree by een van Vaughan se vertonings.
Lees Meer

Liefste Kayla: 2 April 2013

Dis tyd vir die jaarlikse skool dans en almal is opgewonde. Chelsea beraam 'n plan om Kayla te ontstel...

Dis tyd vir die jaarlikse skool dans en almal is opgewonde. Kayla en Nadia moet geld insamel vir die dans, en Nadia besluit om ‘n spesiale gas te nooi om op te tree. Tannie Ansie kry ‘n nuwe vriend op wie sy smoorverlief raak. Maar, Oupa Frank waarsku vir Tannie Ansie oor haar vriend. By die dans gun Chelsea nie vir Kayla haar oomblik in die son nie, en sy beraam weereens ‘n plan om vir Kayla te ontstel.
Lees Meer

Liefste Kayla: 26 Maart 2013

Dis tyd vir die skool se jaarlikse musiekblyspel en Kayla is gekies bo Chelsea om die hoofrol te vertolk. Chelsea is jaloers...

Dis tyd vir die skool se jaarlikse musiekblyspel en Kayla is gekies bo Chelsea om die hoofrol te vertolk. Chelsea is jaloers en sy steel Kayla se selfoon om ‘n lelike sms oor Dolf se nuwe haarstyl aan al die kinders by die skool te stuur. Oupa Frank is weer besig met sy Emmerlys. Hy kry ‘n onverwagse vriendin om saam met hom sy lysie te voltooi. By die skool help Monja vir Hennie deur in te staan vir sy afwesige sekretaresse, maar hierdie twee werk nie lekker saam nie en gemoedere loop hoog.
Lees Meer

Liefste Kayla: 19 Maart 2013

Hennie kry ‘n werksaanbod in Botswana. Niemand, behalwe hy, is beïndruk met die idee nie...

Hennie kry ‘n werksaanbod in Botswana. Niemand, behalwe hy, is beïndruk met die idee nie. Hennie gaan intussen voort met sy planne om die huis te verkoop. Die kinders doen hulle bes om sy planne te saboteur… Tannie Ansie is maar te bly om te help. Monja is onsteld dat Hennie nie sy familie raadpleeg in sy besluit nie en dat hy sy werk bo sy familie se belange ag.
Lees Meer

Liefste Kayla: 12 Maart 2013

Kayla, Nadia en Dolf besluit om ‘n eksotiese sewegangmaal vir Kayla se ouers voor te berei. Dinge raak baie interessant...

Oupa Frank en Tannie Ansie het al amper alles in die huis terug besorg. Kayla is nog baie hartseer oor Chelsea haar bedrieg het en Oupa Frank doen sy bes om haar beter te laat voel. Kayla, Nadia en Dolf besluit om ‘n eksotiese sewegangmaal vir Kayla se ouers voor te berei. Dinge raak baie interessant wanneer Tjopper sy eie voorstelle begin maak en snaakse dinge by die Venter-huis aanbring.
Lees Meer

Liefste Kayla: 5 Maart 2013

Almal by die skool is opgewonde dat Kayla die talentkompetisie gewen het. Nadia is jaloers op Kayla en Chelsea se nuwe vriendskap...

Almal by die skool is opgewonde dat Kayla die talentkompetisie gewen het. Nadia is jaloers op Kayla en Chelsea se nuwe vriendskap, maar sy begin vinnig agterkom dis nie so onskuldig soos wat Chelsea dit laat lyk nie. By die Venter-huis probeer tannie Ansie en Oupa Frank om al die meubels wat hulle verkoop het terug te kry. Tjopper en Zander word in die storie betrek, en die vier van hulle span saam om die leë Venter-huis weer terug na normaal te kry.
Lees Meer

Liefste Kayla: 26 Februarie 2013

Chelsea probeer haar bes om vir Kayla in die moeilikheid te kry. Sy oortuig haar pa om ‘n musiekvideo talentkompetisie te loods...

Chelsea probeer haar bes om vir Kayla in die moeilikheid te kry. Sy oortuig haar pa om ‘n musiekvideo talentkompetisie te loods met die hoop dat Kayla teen haar ouers se wil sal inskryf. Hennie en Monja dink aan maniere vir die Venter-gesin om geld te bespaar. Oupa Frank het sy eie blink idee. Hy roep die hulp van tannie Ansie in en natuurlik veroorsaak sy planne groot probleme in die Venter huishouding.
Lees Meer

Liefste Kayla: 19 Februarie 2013

Nadia noem dat Kayla ‘n sleepover hou en Chelsea nooi sommer haarself. Maar haar bedoelings is nie heeltemal so goed nie.

Dolf deel met Zander en Tjopper dat hy verlief op iemand is, maar hy wil nog nie sê wie nie. Chelsea vertel vir Kayla en Nadia hoe mal sy oor die Venters se vertoning by die skool was, en hoe graag sy hulle wil ontmoet. Nadia noem dat Kayla ‘n sleepover hou en Chelsea nooi sommer haarself. Maar haar bedoelings is nie heeltemal so goed nie. Die aand van die sleepover is Kayla baie op haar senuwees oor hoe haar gesin vir Chelsea sal voorkom. Veral Oupa Frank wat voorberei vir ‘n duik-kursus.
Lees Meer

Liefste Kayla: 12 Februarie 2013

Kayla is opgewonde oor haar musiekvideo al meer as 2000 kykers gehad het. Dis Familie Talentedag by die skool...

Kayla is opgewonde oor haar musiekvideo al meer as 2000 kykers gehad het. Hennie en Monja is beïndruk, maar hulle herinner haar daaraan dat skoolwerk steeds eerste kom. Dis Familie Talentedag by die skool en Kayla en Chelsea se gesinne is eerste aan die beurt. Kayla is onsteld, want, volgens haar, is haar familie nie normaal nie. Nadia het ‘n voorstel wat vir Kayla hoop gee…

Lees Meer

Liefste Kayla: 5 Februarie 2013

Dis Valentynsdag en daar is liefde (en misverstande) in die lug! ‘n Pragtige meisie begin klavierlesse neem by Monja… dis liefde op eerste oogopslag vir Zander.

Dis Valentynsdag en daar is liefde (en misverstande) in die lug! Dolf probeer sy bes om vir Kayla ‘n geheime geskenkie te gee, maar elke poging misluk en Kayla glo uiteindelik dat Pierre Malherbe, die skool se hartedief, sy oog op haar het. ‘n Pragtige meisie begin klavierlesse neem by Monja… dis liefde op eerste oogopslag vir Zander. Hennie vergeet van Valentynsdag en om op te maak, beplan hy en tannie Ansie ‘n spesiale aand vir Monja. Oupa Frank help met die geheime beplanning en, soos gewoonlik, is daar skreeusnaakse gevolge.
Lees Meer

Bladsy 1 van 2 |

Liefste Kayla: 9 April 2013

Monja is heeltyd moeg en glad nie haarself nie. Sy is bekommerd, totdat Oupa Frank haar hospitaal toe neem en hulle besef dat die nuus glad nie so sleg is nie. Tannie Ansie is steeds stukkend en hartseer oor haar vriend haar bedrieg het en al haar geld gesteel het. Vaughan Gardiner se agent nader vir Hennie en Monja om vir hulle te vra of Kayla sal optree by een van Vaughan se vertonings.

Liefste Kayla: 2 April 2013

Dis tyd vir die jaarlikse skool dans en almal is opgewonde. Kayla en Nadia moet geld insamel vir die dans, en Nadia besluit om ‘n spesiale gas te nooi om op te tree.

Liefste Kayla: 26 Maart 2013

Dis tyd vir die skool se jaarlikse musiekblyspel en Kayla is gekies bo Chelsea om die hoofrol te vertolk. Chelsea is jaloers en sy steel Kayla se selfoon om ‘n lelike sms oor Dolf se nuwe haarstyl aan al die kinders by die skool te stuur. Oupa Frank is weer besig met sy Emmerlys. Hy kry ‘n onverwagse vriendin om saam met hom sy lysie te voltooi.

Liefste Kayla: 19 Maart 2013 (Deel 2)

Die kinders doen hulle bes om Hennie se planne te saboteur… Tannie Ansie is maar te bly om te help. Monja is onsteld dat Hennie nie sy familie raadpleeg in sy besluit nie en dat hy sy werk bo sy familie se belange ag.

Liefste Kayla: 19 Maart 2013 (Deel 1)

Hennie kry ‘n werksaanbod in Botswana. Niemand, behalwe hy, is beïndruk met die idee nie. Hennie gaan intussen voort met sy planne om die huis te verkoop.

Liefste Kayla: 12 Maart 2013 (Deel 1)

Kayla, Nadia en Dolf besluit om ‘n eksotiese sewegangmaal vir Kayla se ouers voor te berei. Dinge raak baie interessant...

Liefste Kayla: 26 Februarie 2013 (Deel 1)

Hennie en Monja dink aan maniere vir die Venter-gesin om geld te bespaar. Oupa Frank het sy eie blink idee. Hy roep die hulp van tannie Ansie in en natuurlik veroorsaak sy planne groot probleme in die Venter huishouding.

Liefste Kayla: 26 Februarie 2013 (Deel 2)

Chelsea probeer haar bes om vir Kayla in die moeilikheid te kry. Sy oortuig haar pa om ‘n musiekvideo talentkompetisie te loods met die hoop dat Kayla teen haar ouers se wil sal inskryf.

Liefste Kayla: 19 Februarie 2013 (Deel 2)

Kayla is bang dat haar familie besig is om haar in die verleentheid te stel. Chelsea is besig om Kayla om haar pinkie te draai...

Liefste Kayla: 19 Februarie 2013 (Deel 1)

Nadia noem dat Kayla ‘n sleepover hou en Chelsea nooi sommer haarself. Maar haar bedoelings is nie heeltemal so goed nie. Die aand van die sleepover is Kayla baie op haar senuwees oor hoe haar gesin vir Chelsea sal voorkom. Veral Oupa Frank wat voorberei vir ‘n duik-kursus.

Bladsy 1 van 3 |

Liefste Kayla: 19 Maart 2013 foto's

Hennie kry ‘n werksaanbod in Botswana. Niemand, behalwe hy, is beïndruk met die idee nie. Hennie gaan intussen voort met sy planne om die huis te verkoop. Die kinders doen hulle bes om sy planne te saboteur… Tannie Ansie is maar te bly om te help. Monja is onsteld dat Hennie nie sy familie raadpleeg in sy besluit nie en dat hy sy werk bo sy familie se belange ag.

Liefste Kayla: 12 Maart 2012 foto's

Oupa Frank en Tannie Ansie het al amper alles in die huis terug besorg. Kayla is nog baie hartseer oor Chelsea haar bedrieg het en Oupa Frank doen sy bes om haar beter te laat voel. Kayla, Nadia en Dolf besluit om ‘n eksotiese sewegangmaal vir Kayla se ouers voor te berei. Dinge raak baie interessant wanneer Tjopper sy eie voorstelle begin maak en snaakse dinge by die Venter-huis aanbring.

Liefste Kayla: 5 Maart 2013 foto's

Almal by die skool is opgewonde dat Kayla die talentkompetisie gewen het. Nadia is jaloers op Kayla en Chelsea se nuwe vriendskap, maar sy begin vinnig agterkom dis nie so onskuldig soos wat Chelsea dit laat lyk nie. By die Venter-huis probeer tannie Ansie en Oupa Frank om al die meubels wat hulle verkoop het terug te kry. Tjopper en Zander word in die storie betrek, en die vier van hulle span saam om die leë Venter-huis weer terug na normaal te kry.

Liefste Kayla: 26 Februarie 2013 foto's

Chelsea probeer haar bes om vir Kayla in die moeilikheid te kry. Sy oortuig haar pa om ‘n musiekvideo talentkompetisie te loods met die hoop dat Kayla teen haar ouers se wil sal inskryf. Hennie en Monja dink aan maniere vir die Venter-gesin om geld te bespaar. Oupa Frank het sy eie blink idee. Hy roep die hulp van tannie Ansie in en natuurlik veroorsaak sy planne groot probleme in die Venter huishouding.

Liefste Kayla: 19 Februarie 2013 foto's

Dolf deel met Zander en Tjopper dat hy verlief op iemand is, maar hy wil nog nie sê wie nie. Chelsea vertel vir Kayla en Nadia hoe mal sy oor die Venters se vertoning by die skool was, en hoe graag sy hulle wil ontmoet. Nadia noem dat Kayla ‘n sleepover hou en Chelsea nooi sommer haarself. Maar haar bedoelings is nie heeltemal so goed nie. Die aand van die sleepover is Kayla baie op haar senuwees oor hoe haar gesin vir Chelsea sal voorkom. Veral Oupa Frank wat voorberei vir ‘n duik-kursus.

Liefste Kayla: 5 Februarie 2013 foto's

Dis Valentynsdag en daar is liefde (en misverstande) in die lug! Dolf probeer sy bes om vir Kayla ‘n geheime geskenkie te gee, maar elke poging misluk en Kayla glo uiteindelik dat Pierre Malherbe, die skool se hartedief, sy oog op haar het. ‘n Pragtige meisie begin klavierlesse neem by Monja… dis liefde op eerste oogopslag vir Zander. Hennie vergeet van Valentynsdag en om op te maak, beplan hy en tannie Ansie ‘n spesiale aand vir Monja. Oupa Frank help met die geheime beplanning en, soos gewoonlik, is daar skreeusnaakse gevolge.

Liefste Kayla: 29 Januarie 2013 foto's

Oupa Frank hou homself besig met pogings om ‘n wêreldrekord op te stel. Zander en Tjopper probeer ook ‘n rekord breek deur dieselfde DVD vir ure aaneen te kyk, maar hulle vergeet van een baie belangrike element. Kayla kry ‘n ongelooflike reaksie op haar “blog”… dit maak natuurlik vir Chelsea baie jaloers. By die skool, daag sy vir Kayla uit in ‘n netbalkompetisie. Kayla aanvaar en Nadia en Dolf begin dadelik werk aan haar “Rocky” oefenskedule. Ten spyte van Kayla se harde werk, wen Chelsea die stryd. Met dit besef en aanvaar Kayla dat ‘n mens nie in alles kan uitblink nie.

Liefste Kayla: 22 Januarie 2013 foto's

Chelsea stel vir Nadia in die verleentheid met ‘n onvleiende foto op facebook en nadat Kayla vir Nadia uitstekende raad gee, skep Nadia vir Kayla ‘n “blog” waar sy vir ander kinders ook raad kan gee. Kayla, Nadia en Dolf maak hulle eerste musiekvideo van een van Kayla se liedjies. Later laai Nadia dit op die “blog” en hulle wag in spanning om te sien wat die reaksie gaan wees. Terwyl Oupa Frank, Zander en Tjopper televisie kyk, besef Oupa Frank hy is dieselfde ouderdom as Mick Jagger. Hy besluit meteens dat Mick Jagger sy nuwe held is. Met dit begin Oupa Frank aantrek soos Mick Jagger en leer homself kitaar speel, terwyl Tjopper en Zander hom leer om homself soos ‘n “rockstar” te gedra. Met Oupa se eskapades ontmoet ons die Venters se konserwatiewe buurvrou, tannie Ansie.

Liefste Kayla: 15 Januarie 2013 foto's

Dis die begin van die skool kwartaal. Nadia is opgetof en reg om die eerste dag van skool aan te vat in haar modieuse uitrusting. Sy gee vir Kayla moderaad... raad waaroor haar pa later stem dikmaak. Pa, Hennie is op sy senuwees oor sy eerste dag as skoolhoof by Kayla se skool. Zander en Tjopper beplan skelm om, in plaas van om skool toe te gaan, by die huis te bly en rugby te kyk terwyl Monja by haar scrapbooking klas is. Kayla se mode-probleme duik weer op wanneer ‘n nuwe leerling voorgestel is, Chelsea Houghaardt. Sy het pas van Amerika af getrek saam met haar platebaas pa, en het ‘n houding wat dadelik vir Nadia afsit… vir goeie redes.

Liefste Kayla: Agter-die-skerms

Kykers kan uitsien na kykNET se nuwe musikale komedie, Liefste Kayla, wat op 15 Januarie begin. Intussen, kyk wat die akteurs op stel doen...

Bladsy 1 van 1 |

Wie is Juffrou Papenfus?

Juffrou Papenfus, wat skoolgee vir Kayla en haar vriende in Liefste Kayla, is 'n opgewekte onnie wat baie lief is vir haar leerlinge. Elizna Vermeulen, wie die rol van die geliefde onnie vertolk, vertel meer oor haarself en die dinge waarvoor sy lief is.
Lees Meer

Liefste Kayla CD nou beskikbaar

Die Liefste Kayla CD is sopas vrygestel en in die winkels beskikbaar met al die treffers van die reeks daarop!
Lees Meer

Vilje Maritz se gunsteling dinge

Vilje Maritz, wie die rol van Kayla se broer, Zander, in Liefste Kayla vertolk, is 'n baie aktiewe ou! Hy vertel wat sy gunsteling maniere is om aan die gang te bly en waar aanhangers hom kan raakloop.
Lees Meer

Liefste Kayla kompetisie

Maak jou eie musiekvideo en staan ‘n kans om groot pryse te wen en jou talente vir die wêreld te wys!
Lees Meer

Liefste Kayla se 'hottie' hou van branderplankry

Zyn Geustyn, wat die rol van die hottie van die skool, Pierre Malherbe in Liefste Kayla vertolk, vertel wat hy graag in sy vrye tyd doen en watter eienaardige gewoontes hy het.
Lees Meer

'Die donkerte is vir my scary'

Correa Laubscher, Kayla se vriend Dolf in Liefste Kayla, verklap wat mense nie van hom weet nie en dat hy van karate flieks met Jackie Chan hou.
Lees Meer

Liefste Kayla blog is 'n groot treffer

Kayla se vriendin, Nadia, het haar oorreed om 'n 'blog' te skep. Eers was sy baie skepties, maar binne 'n baie kort rukkie het die 'blog' baie gewild geword!
Lees Meer

Kayla se 'maatjie' Chelsea heet Lalla

Lara de Bruijn, wie die rol van Chelsea in Liefste Kayla vertolk, verklap watter oulike bynaam haar gesin haar gegee het en watter eienaardige gewoontes sy het.
Lees Meer

Kayla se blog

Kayla wil weet wat jou pla, waarvan jy hou en wat jy met haar wil deel. Kom gesels saam met haar!
Lees Meer

Franci Swanepoel - tuis in elke rol

Op die kassie is Franci Swanepoel ewe tuis in die rol van die talentvolle tiener Kayla Venter se ma, Monja, in die nuwe kykNet-reeks Liefste Kayla.
Lees Meer

Bladsy 1 van 2 |

Kayla se blog

Kayla wil weet wat jou pla, waarvan jy hou en wat jy met haar wil deel. Kom gesels saam met haar!
Lees Meer

Bladsy 1 van 1 |


  • Jou Show: Maandae 20:30


    kyknet musiek


  • Vallei van Sluiers


    kyknet musiek


  • kykNET Winkel


    kyknet musiek

  • Vind ons op WeChat


    kyknet musiek
  • Nuusbrief


    Teken in op ons nuusbrief!

    Is jy gereed om die jongste nuus, hoogtepunte, video's en nog vele meer te ontvang? Voltooi asseblief die onderstaande vorm.

  • kykNET op Twitter

    kyknet musiek
  • Kontak kykNET


    kyknet musiek

  • Facebook

  • Volg ons op Facebook Volg ons op Twitter Registreer vir RSS Feeds

Switch to the Mobile Version