'Liefling, die musiekblyspel', word in Junie in die Staatsteater in Pretoria opgevoer. 



As ’n hoogs suksesvolle musiekfilm deur 459,000 mense by die loket gesien is, meer as 60,000 DVD’s verkoop en die CD vinnig-vinnig dubbel platinum status bereik – wat is die volgende logiese stap? ’n Musiekblyspel op die planke, natuurlik!

Vervaardigers Paul Krüger en Linda Korsten van Hartiwood Films kondig dus met trots aan dat hulle saamspan met Renier en Lise-Marie Keyser van Add-Life Productions om Liefling, die Movie in Junie 2013 as ’n musiekblyspel te bring na die Staatsteater in Pretoria. Lika Berning, wat die rol van Liefling in die film vertolk het, kan ongelukkig nie hieraan deelneem nie, aangesien sy ‘n baba van 17 maande het en meer tyd aan haar gesin wil spandeer. Bobby van Jaarsveld speel weer die rol van Jan.

Hartiwood en kykNET , in samewerking met Huisgenoot, span saam op soek na ‘n nuwe Liefling deur middel van ‘n realiteitsprogram, Jy Is My Liefling. Hierdie reeks gaan baie opwindend wees en gaan die kykers op hulle tone hou.



Die beoordelaars is Johan Heystek, Nadia Beukes en André Schwartz. Elke week maak 'n bekende persoonlikheid sy of haar verskying om te help met die beoordelingsproses. Soli Philander is ons aanbieder!

Sondae @ 19:30; Maandae @ 09:30; Woensdae @ 14:30; Vrydae @ 22:00; Sondae @ 13:00.

 

Nuus

Jy is my Liefling - 'Jy het my gevind'

Hier is die amptelike liedjie van Liefling die Musiekblyspel - 'Jy het my gevind', met grepe uit die musiekblyspel.

Lees Meer

Die nuwe Liefling!

Baie geluk aan Liza Brönner wat aangewys is as die meisie wat die rol van Liefling in Liefling die Musiekblyspel gaan vertolk.

Lees Meer

Jy is my Liefling - die Top 6!

Hier's die ses pragtige finaliste wat meeding om die gesogte rol van Liefling in Jy is my Liefling! Wie is jou gunsteling?

Lees Meer

Jy is my Liefling: Top 10 meisies antwoord vrae

Die Top 10 meisies wat meeding om Liefling te speel in Liefling die musiekblyspel vertel hoekom hulle ingeskryf het, wat hul beste eienskap is en waarom hulle dink hulle is die volgende Liefling.

Lees Meer

Meer Nuus

Elme Jacobs

REDE HOEKOM JY INGESKRYF HET: Ek het ingeskryf omdat die soektog vir n nuwe liefling so 'n gulde geleentheid is vir meisies soos ek wat lief is vir musiek en teater. Dit is ook goeie blootstelling en 'n briljante leerskool. Ek glo 'n mens moet elke geleentheid aangryp en die beste daarvan maak.

HOEKOM DINK JY IS JY DIE VOLGENDE LIEFLING: Ek dink ek is die volgende Liefling omdat ek 'n groot passie het vir musiekteater, die nodige agtergrond het omdat ek musiekteater studeer het en vir 4 jaar in verskeie produksies gespeel het. Ek glo my karaktereienskappe loop parrallel met die karakter sin. Ek is ook doelgerig, gedetermineerd en spontaan. Ek glo vir seker met die briljante leiding wat beskikbaar is sal ek die perfekste Liefling wees.

WAT IS JOU STOKPERDJIE: my stokperdjies is perdy, sing, dans, kuier saam met my vriende en familie asook speel met my troeteldiere.

NOEM IETS WAT MENSE NIE VAN JOU WEET: Iets wat mense nie van my weet nie is dat ek kitaar en bongos speel.

WAT SAL JY Sê IS JOU BESTE EIENSKAP: Ek sal sê my beste eienskap is eerlikheid en opregtheid.

Caroline-Grace Haasbroek

REDE HOEKOM JY INGESKRYF HET: Sang, dans en toneelspel is nog altyd my passie en Liefling was die perfekte geleentheid en platform waarop ek dit kon uitleef.

HOEKOM DINK JY IS JY DIE VOLGENDE LIEFLING: Want dit waarvoor ek lief is straal deur my en als wat ek aanpak sal ek met passie, volhuid en deurnis aanpak. Ek hou van uitdagings en ek is avontuurlustig. Ek kan sag wees en ek kan my man staan as ek moet.

WAT IS JOU STOKPERDJIE: Ek het kuns op skool van graad 6 tot graag 12 geneem, my sterkpunt is om te skilder en ek sien dit as my stokperdjie.

NOEM IETS WAT MENSE NIE VAN JOU WEET: My eerste optrede voor ‘n gehoor was oorsee in Italië. My vriendin Edna het my uitgedaag om saam met ‘n orkes buite ‘n egte italianse eetplek op te tree. Ek wou natuurlik glad nie maar as jy my “dare” gaan ek dit tien teen een doen. Ek het 4 non blondes se “what’s up” gesing. Maar so gou soos wat ek gesing het, so gou het ek gehardloop na die applous, gelukkig ken niemand jou oorsee nie.

WAT SAL JY Sê IS JOU BESTE EIENSKAP: Optimisties! Niks is onmoontlik nie! As jy dit kan droom kan dit waar word met harde werk en “genade”.

Leanie Ekermans

REDE HOEKOM JY INGESKRYF HET: O baie! Haha... Dis my droom om in 'n musiekblyspel te speel, musiek en toneel is my lewe, dis die kans van 'n leeftyd en ek wil Liefling wees! Wie nie waag nie, wen nie.

HOEKOM DINK JY IS JY DIE VOLGENDE LIEFLING: Ek het bitter hard gewerk om te kom waar ek is en voel ek het die regte kwaliteite vir Liefling. Ek is spontaan, lief vir die lewe en hou van uitdagings, maar ek het 'n sensitiewe kant en glo in ware liefde, nes Liefling!

WAT IS JOU STOKPERDJIE: Ek maak klere van tyd tot tyd, is 'n baie groot boekwurm (hoe dikker die boek, hoe beter!) en hou daarvan om nuwe restaurante te ontdek saam met vriende.

NOEM IETS WAT MENSE NIE VAN JOU WEET: Ek het 'n BComm Regte Graad van die Universiteit van Stellenbosch en ek is eintlik 'n blond!

WAT SAL JY Sê IS JOU BESTE EIENSKAP: My liefde vir ander mense, ek sal enigiets vir my vriende en familie doen! My ma sê altyd ek wil niks verkeerd in ander mense sien nie...

Carla de Jager

REDE HOEKOM JY INGESKRYF HET: Ek het ‘n groot passie vir sing wat ek so veel as moontlik probeer uit leef. Ek het ook gevoel dat ek regtig met die Liefling karakter kan vereenselwig. Hierdie kompitisie was ‘n uitdaging en ‘n geleentheid om ondervinding op te doen en meer van myself en die bedryf te leer.

HOEKOM DINK JY IS JY DIE VOLGENDE LIEFLING: Ek dink ek en die karakter het baie in gemeen. Nes Liefling, is ek ‘n groot familie mens. Familie en vriende is vir my kosbare skatte uit die hemel wat ek altyd koester. Ek is ‘n bosveld meisie wat baie lief is vir die natuur en buite lewe. My lewe getuig ook nes Liefling s’n van ‘n passievolle mensie wat streef na dit wat goed, reg en mooi is in die lewe. Die lewe kry my nie onder nie en dit steel nie my drome nie. Ek vertrou op God, glo in myself en glo ook dat mens altyd moet aanhou droom. Jy noet nooit jou “kind wees” verloor nie. Ek is nes Liefling ‘n spontane jong dame met ‘n glimlag wat getuig van dankbaarheid en hope ambisie.

WAT IS JOU STOKPERDJIE: Ek dink eintlik het ek heeltemal te veel stokperdjies. Ek is ‘n baie avontuurlustige jong dame. Enige iets buite in die natuur, of dit nou adrenalien laat hoog hardloop of nie, verskaf vir my baie pret...Baljaar in die water met ski’s en tubes, perd ry, diep-see-duik, jag, en ‘n lekker hike roete in die berge is my kos. Maar ek geniet ook rustiger aktiwiteite soos ‘n goeie glasie wyn saam met ‘n kameraad, ‘n lekker langarm skoffeltjie en kwaliteit tyd saam met vriende en familie. Iets wat ek natuurlik baie geniet ook is klavier speel, kitaar speel, sing, dans en netbal speel. Om aktief te wees is vir my baie belangrik, daarom beskou ek ‘n daaglikse intense oefenining by die gimnasium ook as ‘n stokperdjie.

NOEM IETS WAT MENSE NIE VAN JOU WEET: Ek is redelik ‘n oop boek. Maar iets wat mense gewoonlik verbaas is as ek vir hulle vertel dat ek op skool ‘n S.A Skaakspeler was. Ek is ook effens van ‘n wille wragtig...ek dink my ouers het al hulle dae gehad met al die steke en gebreekte bene toe ek jonger was...as dit nie ‘n sport besering was nie, dan was dit ‘n ongeluk met die vierwiel motorfiets of ‘n hardloop en val episode op die skoolgronde. O ja...EN ek het altyd saam met my boetie karratjies en plaas-plaas gespeel toe ek klein was.

WAT SAL JY Sê IS JOU BESTE EIENSKAP: Betroubaarheid, lojaliteit en eerlikheid. Ek is ‘n baie eerlike persoon...soms TE eerlik. Jy kan my vertrou met absoluut enige iets en ek is altyd lojaal teenoor die mense vir wie ek lief is en voor om gee.

Melanie Steenkamp

REDE HOEKOM JY INGESKRYF HET: My ma het my laat weet dat hulle is opsoek na ‘n nuwe liefling vir die musiek blyspel en toe ek dit in die Huisgenoot vir myself lees, het ek besef dat so ‘n kans gaan ek nie laat verby staan nie. Ek gaan verseker inskryf. Ek het gehoor daar was baie inskrywings, en toe dit op ‘n stadium in die Rapport verskyn dat hulle binnekort sou begin skiet aan die realiteits reeks, en ek weet ek’t nog niks gehoor nie, het ek gedink, okay, ek’t dit dan nie gemaak nie. Net die volgende dag, het ek ‘n epos ontvang van die produksie span af, en kon dit nie glo nie. Ek dink almal in die huis het geweet dat ek in die Top 100 is toe ek die epos oopmaak.

HOEKOM DINK JY IS JY DIE VOLGENDE LIEFLING: Ek hoop ek is die volgende Liefling, ek is min of meer die ouderdom wat sy in die fliek gespeel het, ek is self baie ‘tomboy’erig, ek hou baie van die buite lewe en kan vereenselwig met Liefling in daardie opsig, en ek dink ek wil dit REGTIG REGTIG baie graag hê, en werk vreeslik hard.

WAT IS JOU STOKPERDJIE: Natuurlik is musiek een van my grootste stokperdjies, maar anders as dit het ek vir ‘n jaar en half in die Kaap gebly en dit het my hart gesteel omdat ons altyd iets avontuurliks kon gaan doen oor naweke. Hou vreeslik van stap in die berge, berg klim, fiets ry, en een van my nuwe gunstelinge is om rots te klim. Ek kry nie genoeg daarvan nie.

NOEM IETS WAT MENSE NIE VAN JOU WEET: Ek het ‘n vreemde klein toontjie nael. Ek het dit eintlik by ouma geërf. ;) Dit is nou nie verskriklik nie, en mense sal nou nie naar word daarvan nie, maar dit lyk so effens soos ‘n voëljie-toon-naeljie. Eks darem nie te ‘insecure’ daaroor nie!

WAT SAL JY Sê IS JOU BESTE EIENSKAP: God is my beste eienskap, en wie ek in God is. Want dit herhinder my altyd dat mense Jesus in my moet raaksien. Ek dink ek is nogal ‘n baie ligte mens. Ek hou daarvan om nie altyd te ernstig na die lewe te kyk nie.. ek is geweldig ‘laidback’.. soms is dit ook my swakste eienskap. Maar ek dink dit help die meer ernstige mense om my om soms bietjie te ontspan. Dit beteken nie ek is Lui nie!! En ek is BAIE lief. Ek love dit om lief te he. Ek kan dit op geen ander manier sê nie. Mense om my moet moet moet geliefd voel.

Verona Goslett

REDE HOEKOM JY INGESKRYF HET: As kind het my ouers my na talle musiekblyspele geneem. Ek sou in vervoering na die akteurs en dekor op die verhoog kyk. Ek het altyd vir myself gesê dis waar ek wil wees, dit kan ek doen. Ek het hierdie as die gulde geleentheid gesien en ingeskryf. Dalk sou my droom waar word.

HOEKOM DINK JY IS JY DIE VOLGENDE LIEFLING: Ek voel dat ek die aanhou-en uithou-"eienskap" het. Dis soos my ma sê: "As sy eers haar kop op 'n ding gesit het...". Ek mag dalk die jongste en kortste wees, maar ek glo dat ek iets moois na die "Liefling" karakter kan bring. Ek kan identifiseer met van haar karaktertrekke en voel asof ek soos sy 'n rabbedoe is wat die lewe uit 'n ander oogpunt sien.

WAT IS JOU STOKPERDJIE: Buiten sing en drama is ek lief vir die buite lewe en sal graag diere besigtig op ons wildsplaas. Ek geniet ook om af en toe teiken te skiet met my boog of pa se jaggewere. Verder doen ek gereeld een of ander nuwe "foefie" wat in die mode is. Dit kan strek van laslapwerk, brei, verf, mosaïek, fietsry, dans, ens.

NOEM IETS WAT MENSE NIE VAN JOU WEET: Ek het 'n verslawing. Enige vorm van sjokolade kan ek net nie weerstaan nie. Dit het al menigte huismoles veroorsaak omdat my pa aan dieselfde kwaal ly.

WAT SAL JY SE IS JOU BESTE EIENSKAP: Ek is 'n harde werker en streef altyd daarna om ander tevrede te stel. Ek is 'n hulpvaardige persoon en help graag waar ek kan. Ek het ook die vermoë om maklik menseverhoudinge op te bou.

Fredia Roux

REDE HOEKOM JY INGESKRYF HET: Vandat ek kan onthou droom ek van verhoë en kameras. Liefling is so 'n fantastiese platform vir daardie einste droom.

HOEKOM DINK JY IS JY DIE VOLGENDE LIEFLING: Hoekom nie? Haha

WAT IS JOU STOKPERDJIE: Skryf, lees, gesels en sing

NOEM IETS WAT MENSE NIE VAN JOU WEET: Ek het 'n African Grey papegaai gehad, Janneman, ek moes hom onlangs verkoop, dis my nuwe huis se reëls. Hy het elke oggende drie keer genies, nes ek.

WAT SAL JY SE IS JOU BESTE EIENSKAP: Ek kan lag vir myself.

Sanli Jooste

REDE HOEKOM JY INGESKRYF HET: Ek wil baie graag musiekteater as loopbaan volg en ek het gedink Liefling sal ‘n baie goeie rol wees om so ‘n loopbaan mee te begin. Selfs al sou ek nie die rol kry nie was ek seker dit sou ‘n baie lekker en goeie ervaring wees met ‘n kans vir goeie blootstelling aan ‘n gehoor baie wyer as net Bloemfontein.

HOEKOM DINK JY IS JY DIE VOLGENDE LIEFLING: Ek het ‘n baie mooi, veelsydige stem wat ek weet mense van hou om na te luister. Ek is sterk en selfvertroud, maar het beslis ook ‘n sagte kant. Ek is lief vir my familie maar is ook honger vir avontuur en om die wêreld te sien – als eienskappe wat ek met die karakter Liefling deel.

WAT IS JOU STOKPERDJIE: Ek is baie lief vir lees (ek werk immers in ‘n boekwinkel), ek speel tjello wanneer ek kans kry (in die Bloemfonteinse Stadsorkes), ek hou van bak.

NOEM IETS WAT MENSE NIE VAN JOU WEET: Ek is ‘n introvert (ek dink meeste mense verwag mense in die vermaaklikheidsbedryf moet almal ekstroverte wees), maar ek’s nie noodwending skaam nie, en werk steeds goed met mense. Ek is vreeslik lief vir diere (veral honde).

WAT SAL JY SE IS JOU BESTE EIENSKAP: My rustigheid in stresvolle situasies, asook my vermoë om by enige situasie aan te pas en ‘n positiewe bydrae te lewer.

Liza Brönner

REDE HOEKOM JY INGESKRYF HET: Ek wou nog altyd ‘n verhoogproduksie aanpak en het hierdie as ‘n goeie geleentheid gesien. Ek het dit ook gesien as ‘n lekker uitdaging vir myself en ook om my horison te verbreed.

HOEKOM DINK JY IS JY DIE VOLGENDE LIEFLING: Liefling is lewenslustig en geliefd onder mense. Ek dink dat ek ook die potensiaal en die eienskappe wat daarmee saamgaan beskik om in mense se harte te kan inkruip om ‘n liefling te wees, en is self ‘n lewenslustige mens. Ek dink ook dat ek die talent het om die eers genoemde te ondersteun in my sang sowel as toneel spel.

WAT IS JOU STOKPERDJIE: Ek skryf graag, en as mens so ‘n passie vir musiek het dan eet leef droom en dink jy musiek en alles wat met dit saam gaan. Ek is onlangs getroud so as ek ‘n bietjie spaar tyd het spandeer ek elke oomblik met Ricus. Ek is mal oor bordspeletjies

NOEM IETS WAT MENSE NIE VAN JOU WEET: Ek is gebore met 3 perfekte niere.. twee aan die linker kant en een aan die regter kant… dit maak dit nogal moeilik as mens toer - ons moet gewoonlik in elke dorp stop…. #bloos

WAT SAL JY Sê IS JOU BESTE EIENSKAP: My liefde vir die lewe en die vermoë om altyd die positiewe dinge in die lewe en in mense raak te sien

Ilana van Wyk

REDE HOEKOM JY INGESKRYF HET: Ek het ingeskryf want my ouers sowel as my kêrel se ouers het my aangemoedig om dit te doen. Ek het gedink hierdie sal beslis `n lekker ondervinding wees waariut ek baie kan leer.

HOEKOM DINK JY IS JY DIE VOLGENDE LIEFLING: Ek dink ek kan die volgende Liefling wees want ek het self baie van Liefling se eienskappe. Ek is mal oor die lewe en liefde en alles wat ek doen, doen ek tot die beste van my vermoë.

WAT IS JOU STOKPERDJIE: My stokperdjies is natuurlik sang maar ook kuns

NOEM IETS WAT MENSE NIE VAN JOU WEET: Ek is onsettend lief vir kinders en ek is mal oor tuinmaak! Ek het die groen vingers by my ouma geërf en sy`t so twee jaar terug gemaak dat tuinmaak gogga my byt.

WAT SAL JY Sê IS JOU BESTE EIENSKAP: Ek help en ondersteun graag ander mense in alles wat hulle doen, ek sal uit my pad uit vir mense gaan om die lewe vir hulle maklik te maak en alles wat ek vir mense doen , doen ek uit liefde uit want ek weet selfs al is dit net vir `n oomblik kan ek miskien `n verskil in iemand se lewe

Nadia Beukes

Aanbieder, aktrise, sanger en stem kunstenaar, Nadia Beukes, het haar honeursgraad verwerf in Bemarkings Kommunikasie te (RAU) Universitieit van Johannesburg in 2004.

Nadia was in die finaal van kykNET se eerste ZING kompetisie en vandaar het sy begin werk as kontinuïteits aanbieder op kykNET. Sy was ook al te sien as aanbieder vir verskeie programme o.a EkoNET, Dekor, Tjirp en tans Tuine en Tossels.

As aktrise was Nadia deel was Villa Rosa op kykNET, 7de Laan op SABC2, Binneland ook op kykNET, Bundu Buddies op Koowee en in 2011 in Hartland op kykNET. Sy was deel van die acapella sang groep Cutt Glas en te sien as deel van die trio, The Dahlings, wat bekendgestel was as deel van die SA’s Got Talent kompetisie in 2010. Tot op hede was Nadia deel van teater produksies soos Miss Rock, The Rocky Horror Show, Houtkruis, Ester, Deon Opperman se Ons vir jou, Magspel by die Aardklop Kunstefees, Janice Honeyman se produksies Snow White en Pinocchio asook Deon Opperman se Tree Aan in 2011.

Sy was ook mede-aanbieder op die gewilde MAGIC 2 THE MAX program op M-Net. In 2012 was sy te sien in Getroud met Rugby 4 as die sielkundige Iva Muller asook as Baby se suster, Lisa Houseman, in Dirty Dancing die musical en Minnie in Pretville die movie. Later vanjaar betree sy weer die verhoog in Jesus die musiekblyspel.

Johan Heystek

Johan Heystek, musiekregisseur van die treffer fliek, Liefling, die Movie, is al  ongeveer 25 jaar betrokke in die plaaslike musiekbedryf as produksieleier, musiekverwerker, pianis en liedjieskrywer.

In 1997 het hy hom selfs begeef in TV en was hy die aanbieder van die Christelike musiekprogram “Gospel Gossip” vir CNW TV. Sy eie klavier albums “Inner Peace” en “When I fall In Love”, vrygestel deur die plaaslike platemaatskappy Maranatha, het internasionale erkenning verdien nadat dit in meer as 40 lande oor die wereld versprei is.

Die afgelope 20 jaar was hy die Mentor-Musikus by Mosaïek in  Fairlands maar in April 2013 het hy die nuwe uitdaging  aangegryp as leier van die Inspirerende Kunstespan van dié betrokke Christelike gemeenskap. Sy passie vir musiek is tans die dryfkrag agter sy PHD studies, Musiek en Spiritualiteit aan die Universiteit van Nijmegen in Holland.

André Schwartz

André is een van die bekendste en mees bekroonde stemme in Suid-Afrika en het bitter min bekendstelling nodig.

Hy het al 13 solo CD’s uitgereik wat Afrikaans, Big Band asook Musicals insluit.

Sy treffers is legio en al deel van die Afrikaanse volkmond.

Hy is een van die land se voorste Musiekblyspel sterre met die rol van die Phantom  in Andrew Lloyed Webber se Pahntom of the Opera n hoogtepunt.

Hy word gereken as een van die voorste Phantoms en die rol het vir hom menigte toekennings besorg.

Hy hat al meer as 60 TV programme aangebied ook sy eie speletjies program op TV aangebied.

Dis vir Andre heerlik om deel te wees van hierdie proses om n gepaste Liefling te kies wat ieder en elk sal bekoor, op wie elke meisie ( en vrou ) so effe jaloers sal wees en met wie elke man die verhoog sal wil deel!

Soli Philander

Soli Philander het die afgelope drie dekades baie intensief in die media en vermaaklikheidsindustrie gewerk. Hy is ‘n baie geliefde aanbieder van onder andere Lirieke raai en die onlangse Fiësta toekennings en het ook deelgeneem aan verskeie verhoog, televisie en radio programme. As ‘n Kapenaar is hy besig met die aanlyn uitsending van Taxi Radio en ook die aanbieder van Taxivision op CapetownTV.


Jy is my Liefling: 9 Junie 2013

Ons besoek die nuwe Liefling waar sy saam met die ander akteurs en sangers repeteer vir haar rol in die Staatsteater.

Ons wys weer wat gebeur het toe die nuwe Liefling aangekondig is. Dan gaan besoek ons haar waar sy saam met die ander akteurs en sangers repeteer vir haar rol in die Staatsteater. Ons sien ook hoe hulle op die verhoog repeteer. Dan breek Liefling se grootste dag aan - die opening van 'Liefling, die Musiekblyspel'. Lika Berning loer by haar in net voor sy op die verhoog moet gaan. Ons wys grepe uit die Musiekblyspel se eerste vertoning en sien hoe die wenner van hierdie kompetisie gevaar het.  'Liefling, die Musiekblyspel' speel in die Staatsteater tot en met 30 Junie 2013!

Lees Meer

Jy is my Liefling: 2 Junie 2013

Dit is naelbyt-tyd. Die spanning loop hoog want vandag word die nuwe Liefling aangekondig!

Dit is naelbyt-tyd. Die finale 3 dames word aangekondig. Die spanning loop hoog want vandag word die nuwe Liefling aangekondig wat teenoor Bobby gaan speel in die Staatsteater in Pretoria. Daar is verskeie take wat hierdie 3 dames moet doen, onder andere moet hulle teenoor Bobby toneelspeel en ook sing. Gaan hulle senuwees dit hou? Dan word die nuwe Liefling aangekondig. Is sy die Liefling wat jou hart gesteel het?

Lees Meer

Jy is my Liefling: 26 Mei 2013

Die Top 6 dames word aangekondig. Ons sien hoe hulle verskillende plekke besoek waar 'Liefling, die Movie' opgeneem is.

Die kompetisie raak al hoe strawwer en die Top 6 dames word aangekondig. Ons sien hoe hulle verskillende plekke besoek waar 'Liefling, die Movie' opgeneem is. Ons hoor ook hoe hulle voel oor die oudisieproses en sien hulle optree. Dan lewe die beoordelaars kommentaar…  Wie gaan die nuwe Liefling wees?
Lees Meer

Jy is my Liefling: 19 Mei 2013

Die Top 10 word bekend gemaak. Elkeen moet 'n liedjie van hulle eie voor die kykers en die beoordelaars sing.

Die beoordelaars maak die Top 10 kandidate bekend. Maar dis nie al nie… Daar word vir dié tien dames 'n taak gegee wat hulle moet inoefen saam met Machiel Roets. Plus hulle moet 'n liedjie van hulle eie voor die kykers en die beoordelaars sing. Wat dink jy? Het jy al jou Liefling gekies?

Lees Meer

Jy is my Liefling: 12 Mei 2013

Die 20 oorblywende kandidate kry elk 'n liedjie wat hulle moet inoefen onder leiding van musiekregisseur, Machiel Roets.

Die beoordelaars kondig die Top 20 kandidate wat Suid-Afrika se nuwe Liefling kan word aan. Elkeen van die twintig dames kry 'n liedjie wat hulle moet inoefen onder leiding van musiekregisseur, Machiel Roets. En dan is dit tyd om te wys wat in hul steek voor die beoordelaars. Wie sal onder die Top 10 wees? En wat het Bobby van Jaarsveld oor die aspirant Lieflinge te sê?

Lees Meer

Jy is my Liefling: 5 Mei 2013

Die 100 dames wat oudisie aflê vir die rol van Liefling wys hul slag met 'n Afrikaanse liedjie.

Sondag 5 Mei om 19:30

Ons beoordelaars André Schwartz, Nadia Beukes en Johan Heystek (die musiekregisseur van 'Liefling, die Movie') sif deur die bykans 500 kandidate wat ingeskryf het en kies 100 wat oudisie moet kom aflê. Vanaand wys hierdie 100 dames hul slag met 'n Afrikaanse liedjie met die hoop om as een van die Top 20 kandidate aangewys te word.

Lees Meer

Jy is my Liefling: 28 April 2013

In die eerste episode van ‘Jy is my Liefling’ word die program bekend gestel aan die publiek.

In die eerste episode van ‘Jy is my Liefling’ word die program bekend gestel aan die publiek. Vir diegene wat nie die film ‘Liefling, die Movie’ gesien het nie, word daar ‘n opsomming van die storie van gegee. Die aanbieder Soli Philander vertel dat Liefling nou Staatsteater toe geneem word.



Bobby van Jaarsveld gaan steeds die manlike hoofrol, Jan speel, maar ongelukkig kan Lika Berning nie die rol van Liefling weer speel nie. Daarom moet daar na ‘n nuwe Liefling gesoek word.

Intussen is daar ander akteurs wat in die movie was, at ook nie beskikbaar is vir die verhoogstuk, dus is daar alreeds oudisies gedoen. Sommige van hierdie oudisies word gewys en daar word ook onderhoude gedoen met die akteurs en sangers wat in die movie die rolle vertolk het.

Soli vertel hoe die oudisie proses gaan loop na die soeke van ‘n nuwe Liefling. Wat soek ons in ‘n nuwe Liefling? Daar word onderhoude gedoen met Bobby en Lika om te hoor wat hulle dink. Ook met Brian Webber wat die regisseur van die movie was en dan ook met Renier Keyser wat die regisseur van die verhoogweergawe is. Volgende week word die beoordelaars aan die publiek voorgestel.
Lees Meer

Bladsy 1 van 1 |

Bravo: 13 Junie 2013 - Opening van Liefling die Musiekblyspel

Dit is die openingsaand van die verhoogweergawe van Liefling in die Staatsteater in Pretoria...

Jy Is My Liefling: 9 Junie 2013

Ons wys grepe uit die Musiekblyspel se eerste vertoning en sien hoe die wenner van hierdie kompetisie gevaar het. 'Liefling, die Musiekblyspel' speel in die Staatsteater tot en met 30 Junie 2013!

Jy Is My Liefling: 2 Junie 2013

Dit is naelbyt-tyd. Die finale 3 dames word aangekondig. Die spanning loop hoog want vandag word die nuwe Lieflingaangekondig wat teenoor Bobby gaan speel in die Staatsteater in Pretoria.

Jy Is My Liefling: 26 Mei 2013 - Top 6

Die kompetisie raak al hoe strawwer en die Top 6 dames word aangekondig. Ons sien hoe hulle verskillende plekke besoek waar 'Liefling, die Movie' opgeneem is. Ons hoor ook hoe hulle voel oor dieoudisieproses en sien hulle optree. Dan lewe die beoordelaars kommentaar… Wie gaan die nuwe Liefling wees?

Jy Is My Liefling: 19 Mei 2013 - Top 10

Die beoordelaars maak die Top 10 kandidate bekend. Maar dis nie al nie… Daar word vir dié tien dames 'n taak gegee wat hulle moet inoefen saam met Machiel Roets. Plus hulle moet 'n liedjie van hulle eie voor die kykers en die beoordelaars sing.

Jy Is My Liefling: 12 Mei 2013

Die beoordelaars kondig die Top 20 kandidate wat Suid-Afrika se nuwe Liefling kan word aan. Elkeen van die twintig dames kry 'n liedjie wat hulle moet inoefen onder leiding van musiekregisseur, Machiel Roets. En dan is dit tyd om te wys wat in hul steek voor die beoordelaars. Wie sal onder die Top 10 wees? En wat het Bobby van Jaarsveld oor die aspirant Lieflinge te sê?

Jy Is My Liefling: 5 Mei 2013

Ons beoordelaars André Schwartz, Nadia Beukes en Johan Heystek (die musiekregisseur van 'Liefling, die Movie') sif deur die bykans 500 kandidate wat ingeskryf het en kies 100 wat oudisie moet kom aflê. Vanaand wys hierdie 100 dames hul slag met 'n Afrikaanse liedjie met die hoop om as een van die Top 20 kandidate aangewys te word.

Jy Is My Liefling: 28 April 2013

In die eerste episode van ‘Jy is my Liefling’ word die program bekend gestel aan die publiek. Vir diegene wat nie die film ‘Liefling, die Movie’ gesien het nie, word daar ‘n opsomming van die storie van gegee. Die aanbieder Soli Philander vertel dat Liefling nou Staatsteater toe geneem word.

Dagbreek: 16 April 2013 - Nadia Beukes

Nadia Beukes is hier om 'n paar geheime uit te lap oor die nuwe TV-reeks Jy is my Liefling

Bladsy 1 van 1 |

Jy is my Liefling Top 10

Die beoordelaars het hul keuse gemaak - hier is die Top 10 meisies wat meeding om die rol van Liefling in Liefling die musiekblyspel!

Bladsy 1 van 1 |

Jy is my Liefling - 'Jy het my gevind'

Hier is die amptelike liedjie van Liefling die Musiekblyspel - 'Jy het my gevind', met grepe uit die musiekblyspel.
Lees Meer

Die nuwe Liefling!

Baie geluk aan Liza Brönner wat aangewys is as die meisie wat die rol van Liefling in Liefling die Musiekblyspel gaan vertolk.
Lees Meer

Jy is my Liefling - die Top 6!

Hier's die ses pragtige finaliste wat meeding om die gesogte rol van Liefling in Jy is my Liefling! Wie is jou gunsteling?
Lees Meer

Jy is my Liefling: Top 10 meisies antwoord vrae

Die Top 10 meisies wat meeding om Liefling te speel in Liefling die musiekblyspel vertel hoekom hulle ingeskryf het, wat hul beste eienskap is en waarom hulle dink hulle is die volgende Liefling.
Lees Meer

Bladsy 1 van 1 |



  • Video


  • Nuusbrief


    bal

    Teken in op ons nuusbrief!

    Is jy gereed om die jongste nuus, hoogtepunte, video's en nog vele meer te ontvang? Voltooi asseblief die onderstaande vorm.

  • Luister na kykNET Musiek

    kyknet musiek
  • kykNET op Twitter

    kyknet musiek
  • Kontak kykNET

    kyknet musiek
  • Facebook

  • Volg ons op Facebook Volg ons op Twitter Registreer vir RSS Feeds