Sy is in 1907 in Nederland gebore en in 1967 het Jannigje Kruidenier, haar man Jacob en hul twee kinders na Suid-Afrika geïmmigreer. Tot ongeveer twee jaar gelede het sy nog in haar eie huis in Sedgefield gewoon en haar eie motor bestuur en huis- en tuinwerk gedoen. Op aandrang van haar 81-jarige seun Wouter het sy intussen in Pretoria in ‘n selfsorg-eenheid ingetrek, waar sy steeds haar eie ding doen. Claude het by “Oumatjie” gaan kuier om te hoor of daar ‘n resep vir so ‘n lang lewe is.